Ritið : tímarit Hugvísindastofnunar - 01.01.2016, Qupperneq 72

71
komnar, vistkerfi jarðarinnar breytist hratt og maðurinn er að reyna að
breyta því hvernig hann hegðar sér með tilliti til loftslagsins. Vísindin sýna
hins vegar að síðarnefndu breytingarnar eiga sér stað allt of hægt til þess
að draga af einhverri alvöru úr þeim fyrrnefndu.
Hér hefur verið reynt að greina og meta frásögn mikilvægra stofn-
ana í Bandaríkjunum af leiðum til þess að sporna við loftslagsbreytingum.
Niðurstaðan er fyrirferðarmikill frásagnarþráður sem ég hef kallað hér
lausnarfrásögnina. Hún segir frá loftslagsvandanum og setur fram lausn-
ir við honum sem allar miða að aðgerðum innan ramma nýfrjálshyggju.
Frásögnina má skoða sem viðbragð við æ sterkari stöðu vísindalegrar
þekkingar á loftslagsbreytingum þar sem stofnanir sem áður viðurkenndu
ekki eða kusu ekki að ræða loftslagsvandann koma að framleiðslu hennar.
Greining lausnarfrásagnarinnar afhjúpar hins vegar víðtækt skilningsleysi,
ef ekki í sumum tilvikum skeytingarleysi, gagnvart þeim staðreyndum um
loftslagsbreytingar sem vísindamenn hafa varpað ljósi á. Þrátt fyrir fagran
boðskap lítur út fyrir að margt það sem valdamiklar stofnanir segja um
möguleika okkar frammi fyrir loftslagsbreytingum, marki ekki skref í þá átt
að auka hnattræna velmegun eða viðhalda henni, heldur sé mun frekar til
marks um að viðhalda eigi framleiðslu á hugmyndafræði nýfrjálshyggju.
ú T D R Á T T U R
„Ýttu á hnappinn. Bjargaðu hnettinum.“
Frásagnir, nýfrjálshyggja og villandi framsetning loftslagsbreytinga
Umræða um loftslagsmál hefur lengst af einkennst af deilum milli þeirra sem afneita
loftslagsbreytingum og þeirra sem hafa áhyggjur af vandanum og vilja bregðast
við honum. Nú eru slíkar deilur ekki eins áberandi og virðist sem æ sterkari staða
vísindalegrar þekkingar á loftslagsbreytingum hafi stuðlað að tilfærslu frá afneit-
unarfrásögnum.
Í greininni eru færð rök fyrir slíkri tilfærslu í átt að fyrirferðarmikilli frásögn sem
hverfist um tæknilausnir við loftslagsvandanum. Hin tæknimiðaða lausnarfrásögn er
greind innan þriggja áhrifamikilla orðræða í bandarískri umræðu með því að taka til
skoðunar myndskeið af vefnum, framleidd af stjórnmálahreyfingum, fyrirtækjum og
sjálfseignarstofnunum.
Sýnt er fram á að frásögnin gefi villandi mynd af loftslagsbreytingum og grafi
undan alvarleika vandans. Lagt er því til að aukna framleiðslu lausnarfrásagnarinnar
skuli síður skoða sem tákn um dvínandi afneitun loftslagsbreytinga og frekar sem
umritun afneitunarfrásagna svo þær falli betur að vísindalegri þekkingu. Enn fremur
„Ýttu á hnappinn • Bjargaðu hnettinum“