Ritið : tímarit Hugvísindastofnunar - 01.01.2016, Side 86

85
justice). Samkvæmt þeirri kröfu ber ríkustu þjóðunum siðferðileg skylda til
að axla þyngstu byrðarnar og leggja hinum fátæku lið. Trúarleiðtogar þeir
sem undirrita Climate, Faith and Hope yfirlýsinguna skuldbinda sig til að
uppfræða og upplýsa áhangendur sína um loftslagsmál með því að höfða
til skynsemi þeirra og samvisku. Jafnframt skuldbinda þeir sig til þess að
knýja á um samfélagslegt réttlæti hvar í heiminum sem þeir búa og hvetja
stjórnmálamenn og þjóðarleiðtoga til að ganga frá bindandi samkomulagi
allra þjóða í París 2015. Þrennt segir yfirlýsingin að þurfi að auðkenna
Parísarsamkomulagið:
1) Metnaður – sem tryggi að hlýnun jarðar fari ekki yfir tvær gráður.
2) Sanngirni – sem tryggi réttláta skiptingu byrðanna við að draga úr
losun.
3) Trygging þess að bindandi samkomulag þjóðanna verði fjármagn-
að.
Samhljómur þessara tveggja yfirlýsinga er áberandi, þótt fyrri yfirlýsingin
haldi sig við almennara orðfæri en sú síðari. Eins og áður er fram komið er
boðskap og hvatningu yfirlýsinganna beint að þjóðar- og stjórnmálaleið-
togum og höfðað til siðferðilegra dygða og reglna s.s. samstöðu og rétt-
látrar skiptingar gæða jarðarinnar. Trúarsamtök og trúarleiðtogar skuld-
binda sig fyrir sitt leyti til að boða áhangendum sínum nauðsyn sinnaskipta
og réttlátrar breytni gagnvart jörðinni og náttúrunni.
Köllun mannsins í syndugum heimi.
Orðræða Lútherska heimssambandsins um loftslagsmál
Yfirlýsingunum hér að framan var beint að þjóðarleiðtogum og stjórn-
málamönnum og áhersla lögð á þverþjóðlega samstöðu og réttlæti sem
leiðarljós COP21 ráðstefnunnar í París. Til að ná eyrum valdhafanna vís-
uðu þeir sem að yfirlýsingunum stóðu fremur til siðferðis en til trúar.
Þessu er nokkuð ólíkt farið þegar skoðuð eru ýmiskonar skrif á vegum
Lútherska heimssambandsins (LH) í aðdraganda COP21 þar sem boð-
skapnum er fremur beint að eigin trúsystkinum.42 Á vefsíðu LH í aðdrag-
42 Í þessum skrifum má sjá að þegar árið 2008 hvatti Lútherska heimssambandið
guðfræðinga og kennimenn til þess að snúa sér að auknum krafti að málefnum
tengdum loftslagsbreytingum og dýpka þar með lútherskan skilning á guðsmynd,
náttúrusýn og mannskilningi í aðdraganda fimm hundruð ára siðbótarafmælisins
2017. Sjá vefsíðu Lútherska heimssambandsins, sótt 6. desember 2015 af: https://
TRú OG LOFTSLAGSBREYTINGAR