Ritið : tímarit Hugvísindastofnunar - 01.05.2016, Blaðsíða 150

149
þarf til að læra íslensku, að bjóða stuðning og leiðir til að bæta félagsleg
samskipti. Jafnframt að sjá til þess að allir geti haft hag af því að mæta í
vinnu eða vera með fjölskyldu sinni.
Háværasta umræðan um málefni tengd innflutningi fólks hefur á engan
hátt fjallað um spurningar um vellíðan og hamingju þeirra er hingað koma.
Að leggja áherslu á vellíðan innflytjenda gæti hjálpað til við að breyta
skilningi á fólki af erlendum uppruna meðal almennings. Auk þess gæti
það beint kastljósinu frá vandamálum og á jákvæða skírskotun möguleika
og auðgunar.
NýiR ÍBúAR NORðURSiNS
ú T D R Á T T U R
Nýir íbúar Norðursins
Hamingja og vellíðan meðal innflytjenda á Akureyri
Greinin fjallar um reynslu og upplifun á hamingju og vellíðun hjá innflytjendum
á Akureyri. Í henni segir frá rannsókn þar sem notaðar eru mannfræðilegr grein-
ingaraðferðir og orðræðugreining til að kanna ástæður mikillar ánægju meðal inn-
flytjenda í þessum norræna bæ. Fjallað er um þrjár meginástæður sem innflytjendur
tilgreina fyrir ánægju sinni: Efnislegt og náttúrulegt umhverfi sem hefur í för með
sér félagslega friðsæld, hugmyndir um mögulegan persónulegan og fjárhagslegan
ávinning og gagnkvæman skilning á íslenskum aðstæðum sem framkallar tilfinningu
um jafnræði. Höfundarnir færa rök fyrir því að í þessu samhengi séu sterk tengsl
milli hamingju og aðlögunar. Niðurstöðurnar gefa til kynna að aðlögun hafi verið
árangursríkust hjá innflytjendum með mikið félagslegt auðmagn og að fólk grípi oft
til einstaklingsbundinna aðferða til að aðlagast þar sem nærsamfélagið virðist gegna
árangursríku hlutverki við aðlögun nýrra íbúa á hinu hugmyndalega og tilfinn-
ingalega sviði en ekki vera jafn skilvirkt á hinu hagnýta sviði.
Lykilorð: Hamingja, innflytjendur, vellíðan, aðlögun, ánægja