Skírnir - 01.04.2003, Page 20

14
EYSTEINN ÞORVALDSSON
SKÍRNIR
baug. Jóhannes úr Kötlum þýddi þetta Ijóð og nefndi það Ljósið
hverfur...9 Þar er ort um eirðarlaust sálnaflakk hinna dauðu og
spurt hvort sálirnar vænti enn meiri fórna af hálfu þeirra sem lifa.
Ómur af týndum söng er prentað í fyrsta sinn hér í ritinu.
Þetta er margslungið Ijóð en að hugsun og myndum er það skylt
öðrum náttúruverndarljóðum skáldsins, t.d. Þögnuðuholtum og
Árablöðum.10 Ur fyrra erindinu má lesa lýsingu á þeim andstæðu-
tónum fegurðar sem hljóma í sumarljóðum gegnum aldirnar. I
seinna erindinu er horft fram í tímann, við sjáum „liðna framtíð",
með spásögn um eyðingu náttúruverðmæta.
Öll þessi þrjú ljóð staðfesta tilfinninguna og hina skáldlegu sýn
í tilsvari Stefáns Harðar sem vitnað var til í upphafi. Þau geyma
hin einörðu viðhorf til mannsins og til náttúrunnar sem birtast í
heillandi myndum í öllum skáldskap hans.
Að lokum skal vikið að ljóðunum þremur sem hlutu ekki blessun
skáldsins sjálfs en eru prentuð hér í ritinu.
Ljóðin Kveðja og Skrínið* 11 lét skáldið eftir sig í heilu lagi en
þeim fylgir árituð athugasemd um að þau verði ekki sett í bók.
Bæði eru háttbundin og fjalla um fallvelti og óvissu og viðkvæm-
ar tilfinningar sem þó skulu geymdar „innar tregum". Óvíst er
hversu gömul þessi kvæði eru en ekki er ólíklegt að þau séu frá
æskuárum skáldsins. í 2. útgáfu af fyrstu bók sinni, Glugginn snýr
í norður (í heildarútgáfunni Ljóðum, 1979), felldi Stefán niður þrjú
ljóð úr fyrstu útgáfunni en bætti við einu ljóði frá fyrri árum. Það
ljóð heitir Söngvísur. Kveðja og Skrínið gætu verið úr sömu upp-
rifjun. Sé svo hefur hann ef til vill verið að hugsa um að setja þrjú
ljóð í stað þeirra þriggja sem hann hafnaði úr fyrstu útgáfunni.
Hafi hann haft úr fleiri eldri ljóðum að velja, eru þau öll horfin.
Eftirlátin handrit þessara þriggja ljóða eru skrifuð á svipuðum
tíma.
9 Annarlegar tungur. Ljóðaþýðingar eftir Anonymus, Reykjavík 1948.
10 Þögnuðuholt er í Tengslum en Árablöð í Yfir heiðan morgun.
11 Kvæðin eru birt á bls. 68 og 36 hér í Skírni.