Tímarit Máls og menningar - 01.02.2012, Page 58

G u ð m u n d u r B r y n j ó l f s s o n
58 TMM 2012 · 1
í hausaveiðum. Síminn stoppar ekki, ein löng og ein stutt eða eitthvað
í þeim dúr – það skiptir annars engu máli ein hringing fyrir allar og
allar fyrir alla og allir hlusta á alla. Hann náðist í Keflavík í morgun.
Þeir vita ekkert hvað á að gera við hann. Það hefur heyrst að hann fari
eitthvað vestur, bróðir varaoddvitans er þar með rækjuvinnslu sem þarf
að starta. Blöðin – sem nú er komið í ljós að eru eign dótturdótturfélags
Orgelssjóðsins – segja að það sé þess vert að gefa honum annað tækifæri.
Enda hafi ekkert sannast og hver maður sé saklaus uns sekt er sönnuð
og svo ætlar hann víst að gifta sig í haust og það er ekki ósennilegt að
hingað komi þá ameríski kvikmyndaleikarinn Roger Hansen sem er af
dönskum ættum alveg eins og væntanleg eiginkona mannsins sem stal
Kaupfélagssjóðnum. Hreppsnefndin fundar í kvöld. Það á að reyna að fá
nýja fjársterka aðila til að koma að hrossaskítsþurrkunarstöðinni sem
fór á hausinn í áttunda sinn á dögunum. Meðal annars verður reynt
að finna þá sem nú eiga hitaveituréttindin í Skarðinu til að stofna félag
um reksturinn. Tengiliðurinn við þá aðila er víst maðurinn sem stal
Kaupfélagssjóðnum og blöðin segja nú frá að eigi rækjuverksmiðju fyrir
vestan. Einhver hlýtur að verða handtekinn á endanum – eða er það
ekki það sem við viljum hérna í sveitinni?