Tímarit Máls og menningar - 01.02.2012, Qupperneq 143

D ó m a r u m b æ k u r
TMM 2012 · 1 143
með skal það játað að hafa skipulagt
málþóf aftur og aftur. En það breytir
ekki því að betra væri að loka fyrir
málsþófsmöguleikann en efla í staðinn
aðra möguleika stjórnarandstöðunnar
til að hafa áhrif: Eins og að hún fái for-
mennsku í nefndum hlutfallslega eftir
stærð þingflokka – eins og nú hefur
verið ákveðið. Því miður náðist ekki
samkomulag milli flokkanna um að
hrinda því í framkvæmd strax – af
hverju ekki? Þá ætti stjórnarandstaða
við meirihlutastjórn að hafa þingforset-
ann. Og eins ætti að opna meðferð ríkis-
reikninga fyrir stjórnarandstöðunni
með því að kjósa yfirskoðunarmenn
ríkisreikninga hlutfallskosningu á
alþingi. Allt þetta væri betra en málþóf
– fyrir alla. Þingmenn í stjórnarand-
stöðu eru nefnilega kosnir til að láta gott
af sér leiða eins og hinir.
Ég hef alltaf verið heldur mótfallinn
því að alþingi gæfi út bækur. En þessi
bók um þingræðið hefði aldrei komið út
nema af því að alþingi dreif í því. Þess
vegna liggur hún fyrir sem stórmerki-
legt framlag til umræðunnar um þing-
ræði sem nú stendur yfir og nær von-
andi senn niðurstöðu. Spurning er hvort
Alþingi á ekki einmitt að gefa út svona
bækur. Alþingi gaf út á síðasta ári
bækur sem rík samstaða er um: Skýrslur
Rannsóknarnefndar alþingis. Bókin
Þingræði er rökrétt framhald af skýrsl-
unum
Ljóðaúrval Jóns Óskars
Í sumar er væntanlegt úrval ljóða
Jóns Óskars í nýrri útgáfu með formála
eftir Sigurð Ingólfsson bókmennta-
fræðing. Hægt er að gerast áskrifandi
að bókinni og fá nafn sitt ritað á
heiðurslista í bókinni. Sendið beiðni
um áskrift til Silju Aðalsteinsdóttur,
útgáfustjóra Máls og menningar,
Bræðraborgarstíg 7, 101 Reykjavík eða
á netfangið silja@forlagid.is