Tímarit Máls og menningar - 01.09.2017, Page 20

K r i s t í n Ó m a r s d ó t t i r
20 TMM 2017 · 3
Sumir vilja meina að stelpur eigi auðveldar uppdráttar þegar þær eru að
byrja að skrifa en strákar.
Það er áhugavert. Ætli þeir hafi reynt það á sjálfum sér?
Nú veit ég ekki. Hefurðu orðið vör við að hægst hafi á endurnýjun í rithöf-
undastéttinni á Íslandi? Ef svo er geturðu ímyndað þér hvað valdi?
Ungir höfundar eiga erfitt með að komast að hjá forlagi og einkum með
ljóð. Þar sitja margir fyrir og ljóð eru ekki gefin út í stórum upplögum. Það
hefur hinsvegar orðið aukning í félagatali Rithöfundasambandsins og fleiri
konur en karlar sækja um inngöngu. Það gefur mér trú á að ungt fólk sé að
hugsa um starfið af alvöru.
Hver er staða íslenskra bókmennta í dag?
Ég held hún sé nokkuð sterk. Eftir Frankfurt 2011 jukust þýðingar á
útlensku og þróunin gekk ekki tilbaka heldur hefur aukist til muna.
Hvað heldurðu að valdi velgengninni?
Hér er allstór hópur rithöfunda í fullu starfi. Þeir hafa metnað og fylgja
bókunum sínum vel eftir. Að fá kynningu erlendis og vera metinn þar ekki
síður en heima reynist manni líka mikil hvatning. Við lifum að hluta til nýja
tíma í útgáfumálum íslenskra bókmennta.
Viltu segja mér eitthvað um framtíð skáldskaparins?
Ég er bjartsýniskona og ég ætla að leyfa mér að trúa því að við höldum
áfram á réttri leið.
Ertu ljóðelsk?
Já mjög. Ég ætla að verða ljóðskáld í næsta lífi!