Tímarit Máls og menningar - 01.09.2017, Side 49

E k k i p i s s a h é r !
TMM 2017 · 3 49
Enn virtist enginn hafa migið á vegginn – en það var auðvitað ekki nema
von. Þegar þeir sáu að það var bíll á stæðinu og að það mótaði fyrir mann-
eskju inni í honum voru þeir ekkert æstir í að láta vaða. Sasha var samt viss
um að einn eða tveir myndu láta sjá sig. Hún þurfti bara að bíða þolinmóð.
Það styttist í dagrenningu og hún gat bara engan veginn haldið lengur í sér.
Hún vissi að það var ekkert almenningsklósett í grenndinni og þess vegna
pissaði fólk bara hvar sem var. Hún hafði aldrei áður haldið í sér svona lengi,
því hún vissi að þá fengi maður blöðrubólgu. Hún gretti sig. Hún velti því
fyrir sér að yfirgefa bílastæðið og aka á næstu bensínstöð, en svo datt henni
í hug að sá sem væri vanur að pissa þarna gerði það að öllum líkindum í
birtingu. Eftir því sem hún hélt lengur í sér fannst henni hún vera nær því
að missa tökin.
Bráðlega fór hún að finna fyrir einhverju í klofinu. Vöðvarnir í píkunni
voru að herpast saman. Grípa. Hún klemmdi aftur augun og muldraði: „Í
Guðs bænum, Sasha, ekki pissa hér …“
***
Þennan dag fór hún ekki í búðina frekar en venjulega um helgar. Allt þetta
með að fólk pissaði þar sem því sýndist beint fyrir framan búðina hennar, það
gerði hana stressaða. Hún varð að reyna að slaka á og hreinsa hugann. Hún
var ánægð með að Matta hefði farið út með börnin. Þá hafði hún smá tíma
fyrir sjálfa sig, til að slappa af. Kannski gæti hún gert eitthvað skemmtilegt.
Hún hafði enn ekki farið á klósettið. Hún hafði ekki einu sinni farið fram
úr um morguninn þegar maðurinn hennar og börnin voru á leiðinni út, hún
veifaði bara til þeirra úr rúminu. Og hún hafði haldið í sér allan tímann.
Venjulega leyfði hún sér aldrei að halda í sér. Venjulega sagði hún sjálfri sér að
um leið og sér yrði mál yrði hún að drífa sig beint inn á bað og pissa. Jafnvel
áður en henni varð sérstaklega mikið mál, skikkaði hún sjálfa sig samt til að
fara inn á baðherbergi, setjast á klósettið og pissa.
En alveg síðan þarna um nóttina í bílnum þegar hún var að bíða eftir því
að einhver kæmi og migi á bílastæðið hennar, var hún farin að njóta þess að
halda í sér. Henni fannst gott að finna vöðvana í kringum píkuna herpast
saman, leika sér með þrýstinginn. Því lengur sem hún hélt í sér, því lengur
sem hún lék sér með vöðvana í kringum píkuna, þeim mun betra var það.
Þetta var eins og bjartur dagur að brjótast fram í morgunsárið.
Sasha fór fram úr og inn á baðherbergið. Læsti dyrunum innan frá. Hún
afklæddist og settist á klósettið.
En hún pissaði ekki. Hún hélt áfram að halda í sér. Vöðvarnir í píkunni
bærðust, gripu og slepptu til skiptis. Henni leið eins og hún væri að fljúga og
eftir því sem hún flaug lengur sveif hún hærra. Hún fór að anda hraðar. Hún
muldraði eitthvað ógreinilegt. Síðan heyrði hún sjálfa sig blása aðeins úr nös.
Hún var þreytt. Hún hallaði sér upp að vatnskassanum. Henni leið eins og