Tímarit Máls og menningar - 01.06.2003, Blaðsíða 66

„Neonaívismi"
Kápumynd tímaritsins er eftir Ásgeir Jón
Asgeirsson, listmálara og tölvuleikjahönnuð.
Asgeir er þrítugur að aldri og útskrifaðist úr
málaradeild MHÍ 1997 en stundaði auk þess
nám í eitt ár við Hogeschool for de Kunst í
Utrecht í Hollandi. Hann hefur tekið þátt í
nokkrum sýningum í Reykjavík, á Akureyri og I
Hollandi. Síðastliðin þrjú ár hefur hann hins
vegar unnið að hönnun tölvuleiksins „Eve on-
line" sem nýverið var settur á markað.
Þótt málverk Ásgeirs sæki að vissu leyti inn-
blástur í fantasíur tölvuleikjanna þvertekur hann
fyrir það að þau tengist beint leiknum sem
hann hefur unnið við dag og nótt síðastliðin
misseri. „Hugmyndirnar eru reyndar sóttar í
sama banka," segir hann þó, „reynsluheimur
minn er að talsvert miklu leyti tengdur bíó-
myndum og sjónvarpi. Ég sæki einnig hug-
myndir í listasöguna og bókmenntir, til dæmis
vísindaskáldsögur og bókmenntaverk sem
fjalla á einhvern hátt um vísindi og framtíðar-
sýn. Ég gæti nefnt höfunda á borð við William
Gibson sem er stórt nafn í þeim heimi og auð-
vitað Aldous Huxley með Brave New World.
Annars hef ég líka haft gagn af höfundum eins
og Haruki Murakami og Kurt Vonnegut."
Ásgeir segist fyrst og fremst vera málari þótt
hann hafi unnið við tölvuleikjahönnun. Hann
hafi ekki lært að ráði að nota tölvur fyrr en í
vinnunni fyrir CCP sem framleiðir tölvuleikinn.
Þar byrjaði hann sem útlitshönnuður en hefur
smám saman færst meira í fang og vinnur nú
mikið í photo-shop forritinu. Vafalaust hefur sú
vinna litað málverk hans þar sem sjá má ýmsar
geimverur og geimflaugar eins og klipptar inn á
hefðbundin landslagsmálverk. Ásgeir hannar
útlit hlutanna sem birtast í tölvuleiknum en síð-
an eru smíðuð módel eftir teikningum hans.
Geimskipin og geimstöðvarnar sem birtast á
tölvuskjám þeirra sem spila leikinn eru því upp-
runalega hans hönnun.
Ásgeir hélt fyrstu einkasýningu sína í Gallerí
Skugga í ársbyrjun og þá lýsti Guðmundur Odd-
ur Magnússon, prófessor við Listaháskóla ís-
lands, verkum hans með þessum orðum í sýn-
ingarskrá: „Þéttur grunnur er ofinn, landslag
málað eða eitthvað annað með sýndardýpt;
Ijósi og skugga (chiaroscuro) ásamt hvarfpunkti
er beitt til að ná fram sviðsetningu og fjarvídd
en eingöngu til að mynda bakgrunn. Frumstæð
teikning, „primitíf" barnateikning eða frum-
mannsteikning að hætti hellamálara er sett í
forgrunn." Sjálfur gaf Ásgeir sýningunni heitið
„Neonaív" en hann telur verk sín að hluta til
naívisma eða prímitívisma. Hann segist gjarnan
byrja á að mála bakgrunninn meðan hugmyndir
að fígúrum séu að fæðast, svo láti hann hug-
myndirnar streyma fram á grunninn með túss-
penna.
Sýningunni í Gallerí Skugga var afar vel tekið
og nær öll verkin seldust. Ásgeir er því þegar
farinn að huga að næstu sýningu sem hann
vonast til að geta haldið seinna á árinu. Þar ætl-
ar hann að sýna stærri verk, þriggja metra
breiða fleka en þó ( sama stíl. Hann segir að
hversu mikið sem verið hafi að gera í leikja-
hönnuninni hafi hann alltaf gefið sér tíma til að
mála. „Ég sleppi bara flestu öðru og reyni að
koma svefni einhvers staðar að," segir hann.