Heilbrigðisskýrslur - 01.12.1937, Blaðsíða 27

25
og náðu margir sér ekki, fyrr en komið var fram á sumar. 3 tilfelli
eru skrásett hjá mér í desember. Maður kom á heimili norðan úr
landi og veiktist með inflúenzueinkennum, þegar hann kom heim.
Fáuin dögum síðar lasnast svo fleira fólk á heimilinu, og sá ég 3
af þeim. Höfðu þeir ótvíræð inflúenzueinkenni. Veikin breiddist ekki
út frá þessum bæ.
Keflavíkur. Byrjaði að stinga sér niður í marzmánuði. Var þá
búið að ganga allþungt kvef, sem tók sig upp aftur í sumum og' líkt-
ist inflúenzu. Inflúenzunni fylgdi hár hiti, höfuðverkur, beinverkir
og særindi í hálsi. Með henni var töluvert af fylgikvillum, t. d.
lungnabólgu, eyrnakvillum, og vissi ég um eitt tilfelli af nephritis
haemorrhagica. Skóla- og samkomubann var sett þann 13. marz, og
var því haldið til 1. apríl, en þá var það afnumið. Veikin fór hægt á
sumuni bæjum tíndi fólkið upp smátt og smátt, en lagði á öðrum
bæjum fljótlega alla í rúmið.
10. Mislingar (morbilli).
Töflur II, III og IV, 10.
S júklingafjöldi 1928—1937:
1928 1929 1930 1931 1932 1933 1934 1935 1936 1937
Sjúkl......... 2293 3026 „ 31 132 „ „ 16 8245 163
Dánir ........ 2 13 1 „ „ „ „ „55 5
Eftirhreytur í 6 héruðum eftir faraldurinn 1936, deyja síðast út í
Svarfdælahéraði með marzmánuði og höfðu þá gengið síðan í febrúar-
mánuði árið fyrir, að þeir fluttust á land í Bíldudalshéraði.
Læknar láta þessa getið:
Stykkishólms. 8 tilfelli skráð í janúar, og eru það síðustu tilfelli
þessarar farsóttar, sem hafði gengið um héraðið frá því í maí 1936
og út það ár. Voru þau létt og fylgikvillalaus.
Iiofsós. Mislingar koinu hingað frá Siglufirði í árslok 1936 og fóru
nokkuð um héraðið. Nokkuð af fullorðnu fólki tók veikina, og varð
sumt ákaflega illa úti.
Svarfdæla. Leifar frá fyrra ári.
Akureyrar. Gengu í janúar (eftirstöðvar frá fyrra ári). Encephalitis
upp úr mislingum fengu 3 sjúklingar í janúarmánuði.
Öxarfj. Höfðu borizt á einn bæ í Kelduhverfi seint á árinu 1936 og
eru ekki taldir útdauðir þar fyrr en i janúar þ. á.
11. Hettusótt (parotitis epidemica).
Töflur II, III og IV, 11.
.S’ júklingafjöldi 1928—1937:
1928 1929 1930 1931 1932 1933 1934 1935 1936 1937
Sjúkl.............. 998 1858 325 4 3 2 „16 1
Læknar láta þessa getið:
Þingeyrar. 2 tilfelli (aðeins 1 skráð). Englendingar. Veikin breidd-
ist ekki út.
4