Heilbrigðisskýrslur - 01.12.1937, Blaðsíða 74

72
malleolaris 4, costae 10, claviculae 3, fibulae 2, patellae 1, ossis
metacarpi 1. Distorsiones 10.
Höfðahverfis. 79 ára hálfblind kona datt um þrösltuld og braut
á sér hnéskel og upphandlegg. Lux. humeri: Sjúklingurinn, sem var
maÖur um sextugt, var á gangi, en rann. á svelli. Bar hann hendina
fyrir sig um leið og hann datt. Commotio cerebri, með inpressions-
fract. framan til á enni: Þetta slys vildi svo til, að krakkar, sem
voru á berjamó hér ofan við Grenivík, voru að leika sér að því að
velta steinum niður bratta brekku, en svo ólánlega vildi til, að steinn
lenti á enni 4 ára drengs, sem undir brekkunni var. Hjóst í sundur
ennið upp við hársrætur, og brotnaði ytri skelin af os frontale. Dreng-
urinn féll í hálfgert' dá. Sárið greri fljótt, og náði drengurinn sér
fljótlega aftur. Maður féll af hestbaki og hjóst nokkuð í andliti, en
hlaut ekki önnur meiðsli. Auk þessa komu til mín með fract. costae
1 sjúklingur, öngulstungu 1, distorsio 2, corp. al. dig. 2, corp. al.
ocul. 2, contusiones 4, incisio 1, corp. al. vag. 1.
Reykdæla. Karlmaður, 19 ára gamall, í Laugaskóla rak fótinn gegn-
um glugga og skar í sundur tendo Achilles. Sinin saumuð saman.
Fract. radii 3, fibulae 2, cruris 1, femoris 1 (karlmaður, 41 árs
gamall). Lux. coxae suprapubica 1 (karlmaður, 23 ára gamall). Com-
motio cerebri 2 (1 karlmaður, 58 ára gamall. Bílpallur skall á höfuð
sjúklingsins og lenti á augabrúninni. Augað sprakk við áverkann, og
rifnaði út úr augnkróknum. Löskuðust bein þar allmikið. Sjúkling-
urinn hafði uppköst næstu 2 daga á eftir, missti sjón á auganu, lá
um mánuð, en hefir nú náð sér nokkurn veginn eftir áfall þetta. Hitt
kona, 67 ára gömul, var á gangi úti, datt og kom niður á höfuðið.
Læknis vitjað á öðrum degi frá því að slysið varð. Var þá konan
orðin meðvitundarlaus, og dó hún næsta dag).
Öxarfj. Stór meiðsli voru tíð, og voru flest á sumrinu í sambandi
við ferðalög eða bifreiðar eða hvort tveggja. Sagt var, að drekk-
hlaðin bifreið hefði farið yfir smátelpu og var urð undir, en ég
hygg þetta alrangt, heldur stykki telpan út af dyraþrepi vagnsins.
Hún lærbrotnaði. Þetta er eina meiðslið, sem ég veit með vissu, að
ekki varð jafngott, þvi að stytting varð ofurlítil. Fám dögum síðar datt
önnur smátelpa í leik og braut tibia. Hjá ungum manni fract. radii,
öðrum fract. ulnae og commotio cerebri, auk þess sem við lá, að hann
hengdist í aktaumum kerruhests, er dró hann. Stúlka hellti yfir sig
sjóðandi vatni og brenndi bæði læri öll að framan og aðra rist. Mað-
ur, sem var við vegagerð suðvestur á Mývatnsöræfum, vestur af
ferju við Grímsstaði, datt út af mjög hlaðinni vörubifreið, og fór
afturhjól yfir báða fótleggi, þar sem kálfi var gildastur. Annar fót-
ur virtist heill (injög marinn og bólginn), en á hinum var opið brot
á miðjum sköflungi og það bein allt i skrapandi skeljamolum niður
að ökkla. Ég tók það ráð að láta manninn liggja kyrran í tjaldi sínu.
Þar gat honuin liðið vel, ef allt g'engi vel, enda gat flutningur kostað,
að allt gengi síður vel. Sárið greri án infectionar. Maðurinn lá þarna i
að minnsta kosti 4—5 vikur og var svo fluttur austur, heim til sín,
þá að ég hygg nærri gróinn. Þá braut og' einn ungur maður fót (fr.
fibulae). Coinmotio cerebri -f- luxatio coxae -j- contusiones et vulnera