Heilbrigðisskýrslur - 01.12.1937, Blaðsíða 72
70
djúpt á hægra fæti frá miðju læri og niður undir ökkla. Datt með
])ott fullan af sjóðandi vatni. Brenndist hún allmikið og græddist
að fullu á % mánuði. Meðferð ad modum Davison. Eg vil eindregið
mæla með þeirri aðferð við brunasár. í öllum þeim tilfellum, sem
ég hefi haft af bruna, og eins þeim, sem ég' hefi séð hjá öðrum, hefir
árangur orðið langbeztur, þegar sú aðferð'hefir verið notuð. Agæt
grein eftir Steingrím Matthíasson um aðferð þessa er í nóvember-
hefti Læknablaðsins 1934. Vulnera incisa et contusa: Maður á síldar-
stöðinni á Eyri við Ingólfsfjörð rasaði til og lenti með hægri hand-
legg á véldrifnu sagarhjóli, mjög stórtenntu. Handleggurinn var
afarilla útleikinn, allt í tætlum frá miðjum upphandlegg og fram á
miðjan framhandlegg. Sérstaklega var olnbogabótin öll í einni kássu,
alveg inn undir bein. Art. radialis var í sundur og allar yfirborðs-
æðar á svæðinu, en art. brachialis var heil. Þá var nerv. inedianus
og ulnaris báðir skaddaðir. Nerv. med. var nærri sundurskorinn.
Húðin var öll í tætlum og vöðvar allir sundurkrassaðir. Sárið var
fullt af óhreinindum og tætlum. Sjúklingnum hafði blætt mjög mikið,
þegar ég kom, þar sein fólk hafði ekki haft vit á að reyra handlegginn
fyrir ofan sárið, heldur hafði aðeins bundið hálfskítugum klút um
það, enda var ekki karlmennskunni fyrir að fara, því að það steinleið
yfir fílefldan karlmann, sem viðstaddur var. Ég hreinsaði þetta svo
eins vel og' ég gat, undirbatt allar æðar, sem til náðist, klippti burt
allar ónýtar tætlur, saumaði saman vöðva, setti 1 spor í nerv. med.
og reyndi svo að rimpa saman húðina eins og tök voru á. Þetta greri
svo furðu vel. Þó vilsaði talsvert úr sárinu fyrstu vikuna. Maðurinn
smáhresstist, og þegar ég vissi til síðast, var hann algróinn og bú-
inn að fá talsverðan mátt í hönd og' handlegg.
Hólmavíkur. Beinbrot 5, 3 framhandleggsbrot, 1 fótbrot og 1 við-
beinsbrot og liðhlaup i öxl.
Midfj. 2 allstór sár á höfði komu fyrir, þó með heilu cranium, ann-
að á 97 ára gamalli konu, er datt niður stiga, en hitt á 11 ára dreng,
er var á palli á bíl, sem valt. Maður fékk talsvert sár á andlit þannig,
að hann var að skjóta úr byssu, en bvssan sló aftur, og hefir hann að
líkindum fengið högg af lásnum. Eitt allstórt brunasár hafði ég til
meðferðar á 12 ára dreng. Vildi þannig til, að hann var með kerti í
rúmi sínu og kveikti í skyrtunni, svo að hún log'aði. Brann hann
talsvert á brjósti, öxl og annarri hendi. Ýmis smærri brunasár áttu
sér stað. Algengast er, að fólk brenni sig á heitu vatni. 2 liðhlaup
komu fyrir, annað lux. humeri (habitualis), hitt patellae, sem
koin við fall í íslenzkri glímu. Fract. metatarsi 1 (13 ára drengur,
sem datt út um glugga), colli femoris 1 (67 ára lcona, er datt úti á
hálku), antibrachii 1 (7 ára drengur, sem datt af hestbaki), fibulae
1 (23 ára maður, er fékk högg í knattleik), malleolaris 1 (32 ára
maður, sem var við flutning í vegavinnu), cruris 1 (30 ára kona, er
datt á götu í myrkri). Maður fannst örendur á víðavangi. Hann hafði
farið að heiman að smala kindum eftir hádegi í éljaveðri. Frost var
sama og ekkert. Fannst undir morgun, liggjandi upp í loft á slétt-
um mel. Héldu þeir, er fundu hann, að hann hefði verið á leið upp
eftir og þá að líkindum verið búinn að ganga í 1—2 klulckustundir.