Heilbrigðisskýrslur - 01.12.1937, Qupperneq 94
Það er að vísu ekki nóg, en mikil framför frá því seni var, enda
sjaldan tilfinnanlegur mjólkurskortur nú orðið.
Þingei/rnr. Svo virðist sem tízkutildrið í fatagerð hafi náð hámarki.
Hefir heldur færzt í skynsamlegra horf í- seinni tíð. Skíðatízkan
virðist þar vera til bóta. Yfirleitt er skíðafatnaður hlýr og er mikið
notaður til ferðalaga. Mataræði helzt að mestu óbreytt. Þó fer græn-
metisræktun í vöxt og er til mikilla bóta. Yngra fólk virðist læra átið
tiltölulega fljótt, en margt hið eldra á erfitt með að sætta sig við
þá tilbreytni. Rannsókn skólabarna bendir í þá átt, að einfaldasta
fæðið sé hollast.
Hóls. Kartöfluræktinni fer heldur fram. Kúm fjölgar í þorpinu.
Margir hafa 'sauðfé og nokkuð er af geitum.
Hestegrar. Viðurværi gott. Flestir hafa mjólk og víða notað lýsi.
Fólk yfirleitt vel til fara. Heiinilisiðnaður nokkur.
Reykjarfj. Fatnaður fólks hér er svipaður og nú gerist í sveitum.
Hjá kvenþjóðinni virðist hann oft vera meira til skrauts en skjóls.
Mataræði er frekar fábreytt, og auk þess skortur á kunnáttu i réttri
matargerð. Mikinn hluta árs er ekkert nýmeti fáanlegt og mikið
skortir á, að fólk kunni eða vilji hagnýta sér jafn ágæta fæðu og
síld, sem fæst hér fyrir lítið eða ekkert verð. Þá er og mikil vöntun
á ræktun matjurta. Eg gerði mér það til gamans á síðastliðnu vori,
að ég bjó til svolitla garðholu á óræktarlandi hér við læknisbéistað-
inn. Og þrátt fyrir það, að mjög seint var sett niður og tíð rnjög ó-
hagstæð síðastliðið sumar, álít ég, að útkoman sýni, að hér er hægt
að rækta ýmsar tegundir matjurta með allgóðum árangri. Ég setti
niður 8 kg af kartöflum, völdum af handahófi, og upp af þeim fékk
ég 74 kg af sæmilega þroskuðum kartöflum. Auk þess hafði ég dálitið
af gulrófum, en þær spruttu frekar illa í þetta sinn. Salat og hreðkur
spruttu ágætlega, og grænkál hefi ég haft fram til nýjárs úr garðinum.
Vafalaust má rækta fleiri tegundir hér með réttum aðferðum.
Hólmavíkur. Garðrækt, einkum kartöflu- og rófnarækt, fer mikið
í vöxt. Er það þjóðþrifamál, sem hlynna ber að eftir megni. Nokkuð
skortir á, að menn kunni að geyma garðávexti óskemmda, enda ekki
auðvelt, svo að í góðu tagi sé, og væri þörf á leiðbeiningum í því efni.
Blönduós. Fatnaður yfirleitt mjög sæmilegur, þótt vetrarfatnaður
sé ofl ekki eins hentugur og skyldi. Sjálfur fékk ég mér milliföt úr
dúnheldu lérefti, sem er fislétt og þægilegt og svo skjólgott, að aldrei
næðir í gegnum það. Þetta er bezti búningur í vetrarferðir, einkum
á hestbaki.
Siglufj. Fæði almennings er tæplega eins holt og verið gæti og vænta
mætti í sjóplássi. Á sumrin eru fiskiróðrar lítt stundaðir og þess vegna
lítið af góðum, nýjum fiski. Ný síld mun eitthvað vera borðuð, en
minna en búast mætti við, og sama er að segja um saltsíldina. Nýtt
kjöt og annað nýmeti er hér dýrt að sumrinu til. Þar við bætist, að
fólk gefur sér þá lítinn tíma til matargerðar, og fer því svo, að mikið
er lifað á alls konar brauði, kaffi og kökum. Garðrækt er lítil, en fer
vaxandi. Klæðnaður fólks er aðallega af erlendri gerð og úr erlendu
efni.
Höfðahverfis. Til sjávar og sveita lifa menn mikið á fiskmeti. I