Heilbrigðisskýrslur - 01.12.1937, Blaðsíða 111
109
8. 18. nóv. S. S.-son, 47 ára. Fannst andaður í rúmi sínu. Hafði ekki kvartað um
neinn sjúkleika, en sagt við konu sina, sem fór út í bæ, að hann ætlaði að
leggja sig. Er konan kom aftur, um 2 klst. seinna, var maðurinn andaður. Við
krufninguna fannst svæsin bronchitis og bj’rjandi bólga í vinstra neðra lungna-
blaði, og með smásjárrannsókn fannst mikið af streptokokkakeðjum og pneumo-
kokkum í vefnum, ennfremur allmikið af streptokokkum í miltanu. Háls-
eitlar voru stækkaðir, bjúgkenndir og blæðingar í líkblettunum. Ályktun:
Bj’rjandi lungnabólga og sepsis, sennilega frá hálseitlum.
9. 18. Þ. S.-son, íshússtjóri, Keflavík. Hafði orðið fyrir bíl og dáið samdægurs.
Við krufninguna fannst, auk smærri áverka, brot á ]>remur rifjuin vinstra
megin, og iungað, sem undir þessuin rifjum lá, var þverrifið um neðanvert
efra lungnablað. í vinstra brjóstholi voru 850 cc. af blóði. Auk þess liafði
blætt inn í bronchi, og fannst töluvert blóð í bronchi hægra lunga.
22. Sótthreinsanir samkvæmt lögum.
Tafla XIX.
Samkvæmt sótthreinsunarreikningum, sem borizt hafa landlæknis-
skrifstofunni, hefir sótthreinsun heimila farið 383 sinnum fram á
árinu á öllu landinu, og er tíðasta tilefnið skarlatssótt (54,3%), þá
berklaveiki (35,2%), en önnur tileíni fágæt.
23. Framfarir til almenningsþrifa.
Læknar láta þessa getið:
Skipaskaga. Byggð síldar- og fiskimjölsverksmiðja, er kostaði um
kr. 300000,00 og getur unnið úr 800 málum síldar á sólarhring.
Borgarfj. í 3 hreppum héraðsins voru stofnuð samvinnufélög um
refarækt í haust til þess að inæta, ef unnt yrði, þeim skakkaföllum,
sem mæðiveikin veldur. Stofnkostnaður er geysimikill, en hagnaður
fljóttekinn, ef vel gengur.
Dala. Skólahald fyrir húsmæðraefni á Staðarfelli, sem legið hafði
niðri einn vetur, var nú endurreist um veturnætur, en aðsókn var lítil.
Hina tregu aðsókn að skólanum hafa ýmsir kennt því, að staðurinn
er afskekktur og lítil tækifæri til slcemmtanahalds. Kennslukraftar
hafa alltaf verið nógir og góðir og öll aðbúð skólans verið með ágæt-
um, svo að til þess er ekki unnt að rekja hina tregu aðsókn.
Blönduós. Af framförum til almenningsþrifa má helzt nefna Skaga-
strandarhöfn, sem allmikið var unnið að á árinu. Á Blönduósi reisti
kaupfélagið mikla kornmyllu, svo að nú er þar hægt að fá nýmalað
korn og hveiti. Ahugi var mikill á loðdýrarækt, sem jókst að mun,
og hefir mæðiveikin ýtt undir þá nýbreytni í búnaðarháttum.
Ólafsfj. Hér til má telja, að bryggjan var lengd um 0,15 metra.
Gömul fiskhús voru rifin og síldarplan steypt. Túnrækt eykst, en er
erfið vegna þess, að jarðvegur er grýttur.
Vestmannaeijja. Til hagsbóta fyrir útgerðina hefir verið stofnað hér
olíusamlag af útgerðarmönnum. Hafa þeir reist stóran olíugeymi,
sem stendur inni við nýju hafskipabryggjuna. Hafa þeir fengið olíu-
farm. Netagerð er hér einnig, og standa útgerðarmenn að henni.
Lifrarsamlagið er útgerðarmönnum til hinna mestu hagsbóta.
Eyrarbakka. Af merkilegum verklegum framkvæmdum ber að nefna
hinar miklu athafnir Kaupfélags Árnesinga í Þorlákshöfn. Þar er um