Heilbrigðisskýrslur - 01.12.1956, Blaðsíða 166
1956
164 —
húsa. Steyptar undirstöður og fyllt
upp undir plötu á nýju verzlunarhúsi
Kaupfélags VopnfirSinga. Húsnæðis-
ekla er engin. í sveit og kauptúni hef-
ur endurbygging gengið greiðlega. Má
segja, að svo til allir ibúar héraðsins
hafi gott húsnæði, eða að minnsta
kosti vel viðunandi. Þar sem rafmagn
er, hafa menn fengiö margvisleg
vinnusparandi heiinilistæki, einkum
þvottavélar, hrærivélar, straujárn eða
strauvélar, þvottapotta, rafmagnselda-
vélar, ryksugur, auk góðar lýsingar.
Seyðisfi. 4 einbýlishús voru i smíð-
um. Annars eru árlega til sölu gömul
hús, sem oft eru seld á hagstæðu verði
og siðan endurbætt. Verða það oft á-
gætar ibúðir. Þrifnaður er hér yfirleitt
góður.
Nes. Byggingar ibúðarhúsa voru
meiri en undanfarin ár.
Vestmannaeyja. Á árinu voru full-
gerðar 37 nýjar íbúðir í steinhúsum,
Hestar 4 herbergi og eldhús. Bygg-
ingarkostnaður kr. 500,00 á m3. Auk
þess voru fullgerð á árinu: Gagnfræða-
skólahúsið 8000 m3, Útvegsbankahúsið
4364 m3, viðbót við Landakirkju 500
m3, smíðahús Smiðs 1824 m3 og ýmis
fiskverkunar- og fiskiðnaðarhús sam-
tals 5800 m3. Nýr og ágætlega útbúinn
sorpbíll annar vel sorphreinsuninni,
svo að hér verður vart á betra kosið,
hvað þetta snertir. Enginn vafi er á
þvi, að vatnsskorturinn háir mjög öll-
um þrifnaði í bænum, og verða hin
nýju hreinlætistæki, sem krefjast mik-
ils vatns til skolunar, til hins mesta
óþrifnaðar í húsum, þegar vatnsskort-
ur er. Lús kom upp i fjölmennri ver-
húð aðkomumanna, svo að úr varð
hinn versti faraldur, sem þó tókst að
ráSa niðurlögum á með aðstoð hjúkr-
unarkonu.
Hvols. Talsvert um byggingarfram-
kvæmdir á Hvolsvelli, eða i sjálfu
þorpinu, íbúðarhús byggð, og verið
að innrétta stórglæsilegt verzlunarhús
fyrir kaupfélagið; ráðist var i hol-
ræsagerð fyrir þorpið og þvi verki
lokið um haustið, en vatnsveita var
fyrir. í þessari áætlun var þó ekki
tekinn með skólinn né læknisbústaður-
inn, er liggja nærri hvor öðrum rétt
utan við þorpið og hafa áfram sínar
ófullkomnu rotþrær.
Hellu. Nokkur ný ibúðarhús voru
reist í héraðinu á árinu. Húsakynni
eru víðast hvar sæmileg. Hreinlæti er
yfirleitt vel viðunandi. Kerlaugar eru
á mörgum bæjum. í Þykkvabæ skortir
nothæft drykkjarvatn. Hafa bændur
þar orðið að gripa til þess óyndisúr-
ræðis að nota vatn úr Hólsá, þrátt
fyrir augljósa áhættu, þar eð árnar,
sem í hana falla, hljóta að taka við
meira eða minna sorpi frá nálægum
bæjum.
Kópavogs. Enn er byggðin hér að
miklu leyti á gelgjuskeiði. Götur eru
ófullkomnar, lóðir litt lagfærðar. Mörg
hús í smíðum og mikið af braki og
skrani umliverfis þau. Víða er búið i
hálfgerðum húsum. En öll hin nýrri
hús virðast vönduð og mörg þeirra
álitleg. Sums staðar er enn búið i lé-
legum kumböldum, gömlum sumarbú-
stöðum og skúrum. Byggðin er víð-
áttumikil og' dreifð, enda byggt skipu-
lagslaust í fyrstu. Árið 1947 var fyrst
ákveðið að láta skipuleggja byggðina.
Þá munu hafa búið hér um 500—600
manns. Siðan hefur fólksfjölgunin
haldið stanzlaust áfram. Er nú byggt
eftir skipulagi, svo langt sem það náði
og nær, en svo ör er þróunin, að
skipulagning hefur ekki undan. Á ár-
inu 1948 var hafizt handa um vatns-
veitu og unnið að henni næstu árin.
Er nú vatn um allan hinn þéttbýla
hluta kaupstaðarins, og er vatnið feng-
ið frá vatnsveitu Reykjavikur. Einnig
hefur verið og er unnið að skolpræsa-
gerð, og vantar þó enn mikið á, að
fullgert sé. Mjög torveldar það fram-
kvæmdir, hversu dreifö byggðin er,
en land grýtt og erfitt. Þrifnaður á
heimilum í góðu lagi, það ég bezt veit.
5. Fatnaður og matargerð.
Ólafsvíkur. Fólk heldur sig vel aö
fötum og tilhögun fatnaðar að mörgu
leyti til bóta. Æ minna tíökast nú, að
nærföt séu unnin á heimilum úr ís-
lenzkri ull, jafnvel ekki sokkaplögg.
Allt aðkeypt. Heimilisiðnaður er aö
hverfa úr sögunni hér.