Heilbrigðisskýrslur - 01.12.1956, Blaðsíða 186

1956
— 184 —
sem leitt hefur til bana samstund-
is. í blóði fannst ekki aukið 4-
fengismagn.
59. 10. nóvember. J. R.-dóttir, 36 ára.
Fannst dáin í rúmi sínu, án þess
að á nokkrum lasleika hefði bor-
ið. Upplýst var, að konan hafði
tekið inn mikið af mebumal-
natríum, allt að 40 töflur. í blóði
hennar fannst 1,08%» vínandi. Við
krufningu fannst enginn sérstak-
ur sjúkdómur. Hún virðist hafa
dáið af of stórum skammti af
svefnlyfi og verið ölvuð fyrir.
60. 12. nóvember. S. G.-son, 43 ára.
Fannst örendur á viðavangi,
skammt frá vinnustað. Hafði lengi
verið heilsuveill. Við krufningu
fannst alger lokun á v. kransæð
og miklar breytingar i hjarta-
vöðva út frá þvi (aneurysma cor-
dis). Gollurshúsbólga virðist hafa
forðað hjartanu frá að springa.
61. 21. nóvember. S. J.-son, 44 ára.
Fannst hengdur inni í hlöðu á
bænum, þar sem hann átti heima.
Hafði verið mjög drykkfelldur.
Suicidium.
62. 29. desember. H. B.-dóttir, 39 ára.
Varð fyrir bil og dó samstundis.
Við krufningu fannst liðhlaup á
banakringlu, þannig að efsti háls-
liður hafði hrokkið úr liðamót-
unum við kúpubotninn, stungizt i
gegnum kúpubotnsopið (foramen
magnum) og kippt um leið í
sundur efsta hluta mænunnar.
Rvik. Er mannslát urðu með voveif-
legum hætti eða lík fundust, var ég
eins og áður jafnan tilkallaður. Rétt-
arkrufning var gerð, þegar ástæða
þótti til. Leitað var álits míns i 3
barnsfaðernismálum. Lögreglustjóra og
sakadómara voru sendar 14 kærur
vegna brota á heilbrigðissamþykkt-
inni. Kærurnar voru þessar: 2 vegna
óstimplaðs kjöts i veitingastofu, 2
vegna gallaðs mjólkur- og rjómaíss,
2 vegna óþrifnaðar í nýlenduvöru-
verzlun, 1 vegna óþrifnaðar i veitinga-
stofu, 2 vegna óinnpakkaðs sælgætis,
1 vegna óviðunandi húsnæðis fisk-
búðar, 1 vegna ófullnægjandi húsnæð-
is veitingastofu, 1 vegna starfsemi,
sem rekin var án leyfis, 1 vegna 3
hænsnabúa, sem fengið höfðu frest til
að hætta starfsemi, 1 vegna sorphaugs
í Fossvogi.
Ólafsvíkur. Skoðunargerðir eftir
kröfu rögreglustjóra engar.
Akureyrar. G. S., fæddur 7/2 1906,
ókvæntur sjómaður, hengdi sig 24/11
1956 með þeim hætti að bregða snæri
um hurðarhengsli milli forstofu og
eldhúss og láta sig falla í snöruna.
Hinn látni hafði þjáðst nokkuð af
höfuðverk og þunglyndi, mánuðina
áður en hann lézt. Þann dag, er hann
hengdi sig, var hann með lakasta móti
af liöfuðverknum og hafði þvi ekki
fótavist. Systir hans, sem bjó þarna i
húsinu, þurfti að skreppa til læknis
og var nokkra stund í burtu, en þegar
hún kom aftur, hafði G. S. hengt sig
með þeim hætti, sem lýst var.
Vestmannaeyja. Mannskaðarannsókn
fór einu sinni fram. Hinn dáni, sem
var vermaður úr Norðurlandi, hafði
verið að drekka áfengi með félögum
sínum um kvöldið á páskadag, en er
á nóttina leið og átti að ræsa hann á
sjó, fannst hann hvergi. Síðdegis sama
dag fannst likið við Básaskersbryggju,
en á þeim slóðum hafði siðast sézt til
hans um nóttina, á leið í bát sinn, að
haldið var. Talið var líklegt, að hinn
látni hafi i ölæði farið niður á milli
báts og bryggju og drukknað. Þar sem
þessi ölæðisslys eru mjög farin að
tiðkast við höfnina á hátíðum og frí-
dögum, virðist ekki af veita að hafa
sérstaka bryggjuvakt um nætur, þegar
svo ber undir.
22. Sótthreinsun samkvæmt
lögum.
Tafla XXI.
Sótthreinsun að opinberri tilhlutan
fór aldrei fram á árinu utan Reykja-
víkur og Kópavogs. Á þeim stöðum
var sótthreinsað 26 sinnum, víst ein-
göngu vegna berklaveiki og að ætla
má mest fyrir siðasakir.
23. Húsdýrasjúkdómar.
Reykhóla. Vegna hinna góðu heyja
ber minna á veikindum i kúm en