Saga - 2019, Blaðsíða 52

svo stillt fram. Til viðbótar við þær áherslur og einstaka muni sem hér
hafa verið tilgreindir má einnig nefna ákaflega falleg og nákvæm
smálíkneski af íslenskum torfbæjum eftir þýska málarann Johannes
Klein, sem enn eru í vörslu Nationalmuseet.
Sú mynd sem þarna birtist á heimssýningunni í París um alda-
mótin er merkileg heimild um það með hvaða hætti Danir höfðu
hug á að sýna veröldinni nýlendur sínar en einnig vitnar hún um
viðhorf Dana og vangaveltur í tengslum við þeirra eigin stöðu í
umheiminum og sköpun á menningarlegri sjálfsmynd þeirra sem á
þessum tíma var í mikilli gerjun. Þá vakna spurningar um hver til-
gangur slíkrar sýningar hafi í raun verið fyrir utan auðvitað hið aug-
ljósa skemmti- og fræðslugildi. Almenn viðskipti og kynning á vör-
um og þjónustu hafa eflaust spilað sína rullu í þessu samhengi en
samkvæmt nýlegu samtali við Mette Bruun hafði Daniel Bruun
einnig hug á því að sýna fram á að Danir kæmu vel fram við þessar
nýlendur sínar á norðurhjaranum, sem hann bar sérstaklega hlýjar
tilfinningar til.24
ísland — danmörk: síkvik söguleg tengsl50
Módel af Gilhaga eftir Johannes Klein, varðveitt á danska þjóðminja safn inu.
Ljósm. Mette Bruun.
24 Sama heimild.
Saga vor 2019 .qxp_Saga haust 2004 - NOTA 13.5.2019 17:21 Page 50