Fréttablaðið - 09.04.2022, Síða 44

Lögð er áhersla á að
jafna kynjahlut-
fallið þegar ráðið er inn í
Origo og í fyrra voru
ráðnir um 80 starfsmenn
og voru 43% þeirra
konur, markmiðið er að
komast í 50%.
Halla Árnadóttir
Origo er upplýsingatækni-
fyrirtæki sem sinnir bæði
fyrirtækja- og einstaklings-
markaði og býður breitt
úrval vöru og þjónustu.
Origo þróar eigin hugbúnað
auk þess sem fyrirtækið
býður vörur frá mörgum
af fremstu framleiðendum
heims og er endursöluaðili á
viðskiptahugbúnaði.
Origo hefur lagt gríðarlega mikla
áherslu á þróun á eigin hugbúnaði
síðastliðin ár og má þar nefna
lausnir fyrir ferðaþjónustuna, heil-
brigðisgeirann og mannauðs- og
launalausnir. Markmið Origo er að
auka fjölbreytileika meðal starfs-
fólks, fjölga konum í upplýsinga-
tækni og fjölga ráðningum ungra
og upprennandi einstaklinga.
Konur eru um 30% starfsmanna
fyrirtækisins en Origo hefur unnið
markvisst að því síðustu árin að
auka það hlutfall og þannig fjölga
konum í upplýsingatækni.
Halla Árnadóttir starfar sem
forstöðumaður mannauðs- og
launalausna Origo. „Í mannauðs-
og launalausnum þróum við og
þjónustum leiðandi mannauðs- og
launalausnir, til að einfalda störf
þeirra sem starfa á sviði mann-
auðs- og launamála og auka
upplýsingagjöf til stjórnenda og
starfsfólks. Með því aukum við
virði tíma þeirra og sjálfstæði. Við
erum bæði með SAP mannauðs- og
launalausnina og Kjarna, sem er
heildstæð mannauðs- og launa-
lausn, hönnuð og þróuð af Origo.
Kjarni samanstendur af mis-
munandi kerfishlutum sem eru
samtvinnaðir í eina heild. Kerfis-
hlutarnir í Kjarna eru mannauður,
laun, launaáætlun, ráðningar,
fræðsla, frammistöðumat, við-
vera, mötuneyti og dagpeningar.
Lausninni fylgir líka vefviðmót
og app þar sem stjórnendur og
starfsfólk geta nálgast helstu
mannauðs- og launaupplýsingar.
Viðskiptavinir geta valið hvaða
kerfishluta þeir vilja nýta, auk þess
sem Kjarni býður upp á tengingar
við ýmsar aðrar lausnir, svo sem
Business Central, Moodup, Power
BI og Active Directory auk helstu
ráðninga- og viðverukerfanna
á íslenska markaðnum. Mikill
kostur er að hafa þessar upplýsing-
ar allar í einu og sama kerfinu, eða
með tengingum við önnur kerfi,
til að koma í veg fyrir tvískráningu
upplýsinga.“
Starfið hefur þróast
Halla er viðskiptafræðingur og
segir að við útskrift frá Háskól-
anum í Reykjavík árið 2001 hafi
hún séð fyrir sér að vinna að
mannauðsmálum. „Fyrsta starfið
mitt eftir útskrift var í mannauðs-
deild Skeljungs og þar hófum við
innleiðingu á SAP mannauðs- og
launakerfi frá Nýherja, forvera
Origo. Mér fannst það vera mjög
skemmtilegt og spennandi ferli.
Þegar mér bauðst að færa mig yfir
til Nýherja árið 2004 til að vinna
við ráðgjöf í SAP mannauðs- og
launalausninni, ákvað ég að slá til
og sé alls ekki eftir því. Starfið mitt
hefur þróast mikið á þessum árum
sem ég hef starfað hjá Origo. Árið
2013 var ákveðið að fara út í þróun
á nýrri mannauðs- og launalausn
fyrir íslenskan markað og í kjölfar-
ið varð Kjarni til. Ég hef verið með
vörustjórn í Kjarna frá þeim tíma
og tók svo að mér forstöðumanns-
hlutverk í teyminu árið 2018. Þetta
er lifandi og spennandi umhverfi
með frábærum samstarfsfélögum
og eftir öll þessi ár hjá Origo finnst
mér ég samt alltaf vera að læra eitt-
hvað nýtt og skemmtilegt.
Viðskiptafræðin hefur nýst mér
vel, en eftir á að hyggja hefði nýst
mér enn betur að taka tölvunar-
fræði sem aukagrein, þar sem það
stóð til boða á sínum tíma í
Háskólanum í Reykjavík. Það
hvarflaði aftur á móti ekki að mér
á sínum tíma, líklega vegna þess að
þá var svo lítið um konur í þessum
geira, en ég hefði klárlega farið þá
leið ef ég stæði frammi fyrir þess-
ari ákvörðun í dag.“
Halla segir að konur séu um 30%
starfsmanna Origo en að hlutfallið
í teyminu hennar sé reyndar ólíkt
þar sem þar eru konur um 70%.
„Það er mjög góður andi í teyminu
okkar, sem spannar breiðan ald-
urshóp og ólíka einstaklinga með
mismunandi bakgrunn og reynslu.
Allir í teyminu eru metnaðarfullir
og leggjast á eitt við að þróa gæða-
vörur, með áherslu á öryggi og gott
notendaviðmót.“
Lögð er áhersla á að jafna kynja-
hlutfallið þegar ráðið er inn í Origo
og í fyrra voru ráðnir um 80 starfs-
menn og voru 43% þeirra konur,
markmiðið er að komast í 50%.
Konur voru hins vegar einungis
33% umsækjenda í fyrra svo það
eru færri konur sem sækja um
þessi störf.
Öryggi, aðgengismál og gæði
Unnur Sól Ingimarsdóttir vinnur
sem listrænn framendaforritari í
stafrænum lausnum Origo. „Þar
erum við að smíða og þróa vef-
lausnir fyrir alls konar fyrirtæki,
allt frá fallegum og einföldum ytri
vefjum yfir í f lókin innri kerfi. Við
tökum þátt í stafrænum umbylt-
ingarverkefnum fyrir fyrirtæki
þar sem við komum að greiningu,
hönnun, útfærslu og viðhaldi
verkefnanna. Við leggjum mikla
áherslu á öryggi, aðgengismál
og gæði í okkar hugbúnaðargerð
og erum öll mjög metnaðarfull
þegar kemur að þessu. Ég er mjög
þakklát fyrir teymið mitt í Staf-
rænum lausnum. Í hópnum er
mikil hvatning, góður mórall og
einstakir hæfileikar. Hópurinn
er einnig mjög fjölbreyttur og
samanstendur af 19 körlum og 12
konum.“
Unnur Sól segist vera með
ástríðu fyrir því að búa til sjarmer-
andi og notendavænar veflausnir.
Hún er með BSc í tölvunarfræði
frá Háskólanum í Reykjavík og
hefur starfað sem vefforritari hjá
Origo frá því hún útskrifaðist 2018.
„Ég vann sem teiknari samhliða
menntaskóla- og háskólanámi og
sú reynsla hefur bæði nýst mér vel
við þróun á góðu notendaviðmóti
og í samskiptum við viðskipta-
vini. Ég var í sumarstörfum sem
forritari þegar ég var í tölvunar-
fræðináminu og hef einnig tekið
þátt í ýmsum sprotaverkefnum, en
þau hafa verið innspýting fyrir for-
ritunar- og skipulagshæfni mína.“
Hvers vegna heillaði upplýsinga-
tæknin upphaf lega?
„Ég er mikill tölvuleikjaunn-
andi og raungreinanörd og
upphaflega fannst mér mjög
heillandi að geta unnið við að
þróa tölvuleiki. Þegar leið á námið
og ég fékk að kynnast mögu-
leikum tölvunarfræðinnar þá
minnkaði spenningurinn fyrir
því að vinna við tölvuleikjagerð
en ég varð gagntekin af vinnslu
og framsetningu gagna á vefnum.
Mig langaði að taka þátt í að gera
vefheiminn sem nytsamlegastan
fyrir notendur og sá svo ótal mörg
tækifæri í því. Svo finnst mér bara
svo ótrúlega skemmtilegt að geta
blandað saman listrænu og raun-
greinaeiginleikunum mínum sem
framendaforritari.“
Margar kvenkyns fyrirmyndir
Hvað varðar konur í upplýsinga-
tækni segir Unnur Sól að alltaf
séu að bætast við nýjar kvenkyns
fyrirmyndir í þessum geira. „Ég sé
fyrir mér að það hafi mjög jákvæð
áhrif á fjölda kvenna sem sækir
nám og störf í upplýsingatækni. Ég
hef fengið að heyra frá konum að
þær hefðu verið efins um að námið
væri fyrir þær, þar sem staðal-
ímynd tölvunarfræðingsins er
fremur karllæg. Eitt af verkefnum
Origo næstu árin er að leggja enn
meira af mörkum til að hvetja
ungar konur til náms í tækni-
greinum, en einnig að sækjast eftir
tækifærum í tæknigeiranum.
Ég hef unnið með ótrúlega
mörgum flottum konum í upplýs-
ingatækni og mér finnst kvenlegir
eiginleikar eiga alveg einstaklega
vel við verkefnin. Það er svo frábært
að vinna verkefni með fjölbreyttum
hópi af einstaklingum og afurð-
irnar verða þeim mun betri.“ ■
Áhersla lögð á að fjölga konum í upplýsingatækni
Halla Árnadóttir, forstöðumaður mannauðs- og launalausna hjá Origo, og Unnur Sól Ingimarsdóttir, listrænn framendaforritari í stafrænum lausnum. FRÉTTABLAÐIÐ/ANTON BRINK
6 kynningarblað 9. apríl 2022 LAUGARDAGURkonur í upplýsingatækni