Fréttablaðið - 09.04.2022, Síða 92

Súrkál ásamt sykurlausu
súkkulaði verður á boð-
stólum á páskamarkaði sem
fer fram í Hafnarfirði um
helgina. Skipuleggjendur
segja súrkálið vera punktinn
yfir i-ið í góðri máltíð.
starri@frettabladid.is
Gómsætt súrkál af ýmsum gerðum
og sykurlaust súkkulaði, verða
í aðalhlutverki á páskamarkaði
í Súrkálshöllinni í Hafnarfirði
um helgina. Það er smáfram-
leiðandinn Súrkál, í eigu hjónanna
Dagnýjar Hermannsdóttur og
Ólafs Loftssonar, sem býður til
veislunnar, sem stendur yfir bæði
laugardag og sunnudag.
„Við ætlum að bjóða upp á
smakk af öllu því sem við fram-
leiðum og allt á kostakjörum eins
og það á að vera á góðum markaði.
Þar má nefna fjölda tegunda af súr-
káli, drykkjum og sósum úr súrkáli
og einnig súkkulaði án viðbætts
sykurs. Meðal súrkálstegunda má
nefna karrýkál, kimchi, sítrónu-
kál, pylsukál auk hins hefðbundna
súrkáls. Við framleiðum síðan tvær
afar bragðgóðar sósur, kimchi-
mæjó og karrý-mæjó. Súkkulaðið
frá okkur hefur líka fengið góðar
undirtektir enda án sykurs og
kemur í sex bragðtegundum, bæði
dökkt og hvítt. Auk þess verður
heitt á könnunni og eitthvað að
sötra fyrir krakkana.“
Landsmenn tekið vel í súrkálið
Hjónin hafa framleitt og selt súrkál
í um fjögur og hálft ár. Dagný segir
áhuga Íslendinga á súrkáli hafa
aukist ótrúlega mikið á þessum
tíma.
„Á þessum tíma hefur orðið
gríðarleg breyting. Þegar við
vorum að byrja með þetta fundum
við að margir gerðu ráð fyrir að
þetta væri ekki bragðgott og flestir
höfðu aldrei smakkað alvöru
súrkál. Nú er viðhorfið mjög mikið
breytt. Við sjáum það skýrt þegar
við erum með kynningar, margir
þekkja þetta orðið og flestir sem
koma eru spenntir fyrir að smakka
súrkálið.“
Súrkálið sem þau framleiða er
stútfullt af góðgerlum að sögn Dag-
nýjar, en mjólkursýrugerlar eru
mjög mikilvægir fyrir meltinguna.
„Það er alltaf að koma betur í ljós
hvað heilbrigð þarmaflóra er
mikilvæg fyrir líkamsstarfsemi
okkar. Það eru gerlarnir sem sýra
kálið en við bætum engu ediki í
það. Innihaldið er bara grænmeti,
krydd og hreint salt. Í gerjunar-
ferlinu myndast líka ensím sem
hjálpa til við meltinguna.“
Féllu fyrir bragðinu
Dagný lærði súrkálsgerð árið 1984
þegar hún var í námi í Noregi.
„Við fórum svo að fikta við að gera
þetta fyrir nokkrum árum, fyrst
og fremst vegna hollustunnar en
féllum alveg fyrir bragðinu og því
hvað þetta getur verið óendan-
lega bragðgott og fjölbreytt. Nú
finnst okkur nauðsynlegt að hafa
einhvers konar súrkál með flestum
mat. Þetta gerir svo mikið fyrir
máltíðina.“
Að hennar mati er súrkálið
punkturinn yfir i-ið í góðri máltíð.
„Smá súrkál á diskinn lyftir mál-
tíðinni hreinlega á hærra plan. Það
má segja að súrkál passi með öllum
mat sem grænmeti passar með,
sem sagt með flestu, nema kannski
í hafragrautinn eða skyrið.“
Hjónin leggja mikið upp úr því að
draga úr sóun. „Við tökum á móti
öllum okkar glerkrukkum til baka
og endurnýtum. Verslanirnar Frú
Lauga, Vegan búðin og Matarbúðin
Nándin taka allt árið um kring á
móti krukkunum frá okkur. Auk
þess ætlum við að gefa súrkál um
helgina sem er komið fram yfir
„Best fyrir“-dagsetningu en er í
fullkomnu lagi. Alvöru lifandi súr-
kál geymist nefnilega ótrúlega vel
og þetta er mjög örugg geymslu-
aðferð.“
Páskamarkaðurinn verður hald-
inn í Súrkálshöllinni, í bakhúsi
að Bæjarhrauni 24 í Hafnarfirði.
Markaðurinn er opinn laugardag
og sunnudag milli kl. 11 og 16.
Nánari upplýsingar má finna á
Facebook-síðunni Súrkál. Einnig
má fylgja þeim eftir á Instagram
(@surkal.is).n
Lyftir máltíðinni
á hærra plan
Hjónin Dagný Hermannsdóttir
og Ólafur Loftsson hafa framleitt
og selt súrklál í tæplega fimm ár.
MYNDIR/AÐSENDAR
Karrýkálið er dásamlegt með pylsunni, t.d. cheddar & chipotle-pylsum.
Membrasin Woman Vitality
Krem sem virkar gegn þurrki í leggöngum og á ytri kynfærum.
Bætiefni sem nærir og vinnur gegn þurrki í allri slímhúð og húð.
Nánari upplýsingar um vörurnar og sölustaði á www.numereitt.is/membrasin
FÆST Í APÓTEKUM, FJARÐARKAUP, HAGKAUP OG HEILSUHÚSINU
VINNUR GEGN ÞURRKI
Inniheldur hafþyrnisolíu, hýalúronsýru og mjólkursýru
Inniheldur
hafþyrnisolíu
SBA24®
- Omega 7
Fyrir heilsu kvenna
Hátún 6b, 105 Reykjavík / Sími 519 3223 / www.hudin.is
Cinderella er afar notaleg meðferð þar sem notað
er nær-innrautt ljós sem örvar kollagenframleiðslu.
Húðin verður þéttari og fær sig meiri ljóma.
Tilvalin meðferð fyrir páskana.
Tryggðu þér tilboðið með því að bóka tíma á
www.hudin.is eða síma 519-3223
APRÍLTILBOÐ
15% afsláttur
af Cinderellameðferðinni
Verið velkomin!
6 kynningarblað A L LT 9. apríl 2022 LAUGARDAGUR