Andvari - 01.01.2013, Qupperneq 50

48
JÓN SIGURÐSSON
ANDVARI
miklu stærri þjóð en íslendingum...Samtöl við hann um embættis-
málefni voru styttri en við flesta menn aðra sem ég hefi kynnst. En
aldrei brást það að við samkomulag væri staðið. Hann var snöggur og
áreiðanlegur. ... Þar kynntist ég Vilhjálmi Þór, manni sem ég tel mig
hafa lært mikið af. Undir yfirbragði hins harðduglega, vinnusama og
á stundum hörkulega manns var svo viðkvæmur hugur og svo hlýtt
hjarta að samtöl við hann urðu löng og einstaklega ánægjuleg. Hann
hafði áhuga á þjóðfélagsmálum og vildi að hinum minni máttar yrði
rétt hjálparhönd. Hann hafði áhuga á andlegu lífi einstaklingsins og var
trúaður maður. Ég held að ekki hafi verið auðvelt að kynnast Vilhjálmi
Þór. En þeir sem kynntust honum hljóta að hafa séð í honum marg-
slunginn og stórbrotinn persónuleika.“
Matthías Johannesen ritstjóri og skáld átti viðtal við Vilhjálm Þór
árið 1959. í þessu viðtali segir Vilhjálmur meðal annars um móður
sína: „Hún hafði gríðarmikil áhrif á mig og mótaði mig frá blautu
barnsbeini og blés í mig krafti. Hún minntist oft á það við mig að
tvennt væri nauðsynlegt: að vera skyldurækinn og duga vel í starfi
sínu.“ Um ævi sína segir Vilhjálmur meðal annars: „Ég hef alltaf verið
skyldurækinn og viljað vinna starf mitt samviskusamlega. Mér hefur
verið gefið mikið vinnuþrek og alltaf haft mikla gleði af að vinna. Það
hefur aldrei verið beygur í mér við að gera það sem aðrir hafa trúað mér
fyrir. Ég held að það sé ekki sjálfstraust. Það er eitthvað annað: starfs-
löngun og trú á það að mér yrði gefinn til þess kraftur að vinna verk
mitt sómasamlega.“
Matthías spyr Vilhjálm hvort hann telji sig sjálfan hafa verið ham-
ingjusaman, og Vilhjálmur svarar: „Já, það hef ég verið. Sá sem á góða
móður og eignast góða konu hefur öll skilyrði til að vera hamingju-
samur.“
Ummæli Vilhjálms gefa lesanda tækifæri til að vega og meta kosti
í skaphöfn, persónuleika og lífskoðunum hans. Ekki fer á milli mála
að hann dregur dám af sínum tíma og hefur kennt til í stormum sinna
tíða. Hann talar opinskátt um mótunarár sín, um samvinnustarf og sam-
vinnuhugsjónir. Hann hefur orðið fyrir áhrifum af þeirri öldu andatrúar
sem fór um Akureyri á árum hans nyrðra, en vitað er að ýmsir for-
ystumenn í Kaupfélagi Eyfirðinga voru í hópi með Einari H. Kvaran og
fleirum sem leituðu fyrir sér um andleg mál og trúmál.
í ættum Vilhjálms er vitað um dulræna hæfileika og hann var alla
ævi áhugamaður um andleg mál. Af orðum Vilhjálms verður ekki ráðið