Læknaneminn - 01.09.1981, Síða 72

sækja um. Og hvernig ætti þá að velja og hafna?
Best er að hafa skýrar línur í þessum efnum og taka
aðeins við stúdentum innan IFMSA, a. m. k. meðan
við erum aðilar að þeim samtökum, en það má hins
vegar alltaf ræða það hvort við eigum að endur-
skoða aðild okkar.
Um fæði og húsnæði fyrir erlendu stúdentana er
það að segja að við fengum góða fyrirgreiðslu hjá
Skrifstofu ríkisspítalanna að venju: frítt fæði fyrir
alla okkar stúdenta á Landspítala, Borgarspítala og
Landakoti. Húsnæðismálin gengu ekki alveg svo
klakklaust fyrir sig. Við höfum um árabil fengið
ókeypis húsnæði fyrir þessa stúdenta í Heimavist
Ljósmæðraskóla íslands. Hins vegar virðast þær
vistarverur ekki hafa komið mikið fleirum að gagni
og því var ákveðið fyrir nokkru síðan að taka heima-
vistina fyrir skrifstofur í því fræga húsnæðishallæri
sem ríkir á Landspítalalóðinni og verður það að
teljast eðlileg ráðstöfun. Við fengum heldur loðin
og leiðinleg svör þegar við spurðumst fyrir um hús-
næði þetta og varð það okkur til töluverðra vand-
ræða. Málin leystust þó á endanum og fengu nokkrir
stúdentar inni í Ljósmæðraskólanum, en restinni
komum við fyrir í Hjúkrunarskólanum, en það kost-
aði dýrmætan skilding.
Auðveldlega gekk að koma stúdentunum fyrir á
deildum eins og ávallt áður og ekki bárust okkur
neinar formlegar kvartanir undan þeim.
í sambandi við íslensku stúdentana sem fóru út,
þá lágu peningar því miður ekki svo mjög á lausu
hjá styrkveitendum. Vegna þess hve litlir styrkirnir
voru en ferðakostnaður einstaklinga mjög misjafn,
tók ég þann kost að skipta peningunum jafnt á milli
utanfaranna, en borga ekki ákveðna hlutfallstölu
ferðakostnaðar (en það er heimilt sbr. 2. gr. reglu-
gerðar FL um stúdentaskipti). 100.000 gkr. komu í
hlut hvers. Hins vegar má svo ekki gleyma því að
frítt fæði og húsnæði í mánuð er ekki svo lítill
styrkur út af fyrir sig.
Áður en ég segi skilið við stúdentaskiptin langar
mig að víkja aðeins að þeirri sérstöðu íslands að
hér virðist komin sú hefð á að aðeins 3ja árs
nemar fari í stúdentaskipti. Margar ástæður liggja
sjálfsagt að baki þessu svo sem eins og að fólk vill
ekki missa af vinnu þegar það er komið lengra í
námi og svo verða hlutfallslega alltaf fleiri og fleiri
persónulega bundnir hér heima eftir því sem árin
færast yfir. Þetta er hins vegar að mörgu leyti svo-
lítið leitt því menn hefðu miklu meita gagn af stúd-
entaskiptum ef þeir hefðu einhverja kliniska reynslu.
Þ. e. a. s. félagið væri þá e. t. v. síður að borga sum-
arleyfisferðir stúdenta.
Nú og svo mætti e. t. v. segja að stúdentaskipti
væru upplögð í vaxandi atvinnuleysi meðal lækna-
nema, sem alltaf er verið að tala um.
Ráðstefnujerðir 1980
Fulltrúar FL sóttu að þessu sinni báðar ráðstefn-
um IFMSA. I mars 1980 var haklin stúdentaskipta-
ráðstefna í Ankara í Tyrklandi og sótti annar stúd-
entaskiptastjórinn hana. Frásögn af ferðinni birtist
í Meinvörpum sem gefin voru út 24. mars 1980.
I ágúst í sumar var svo haldinn aðalfundur sam-
takanna í Kairo í Egyptalandi. Sóttu báðir þáver-
andi stúdentaskiptastj órar hana. Meiningin er að
þeirri ferð verði gerð skil í Læknanemanum.
Þess má geta að vel gekk að afla styrkja til þess-
ara ferða og virðist mun betur tekið í að veita ráð-
stefnustyrki en styrki til almennra stúdentaskipta hjá
þeim aðilum sem við höfum leitað til.
Stjórnarseta
Sú breyting var gerð á lögum FL á síðasta aðal-
fundi að annar stúdentaskiptastjóri fékk aðild að
stjórn FL, sem fulltrúi með málfrelsi og tillögurétt
en án atkvæðisréttar. Jafnframt var ritstjóra Lækna-
nemans kúplað inn í stjórnina. Mig langar aðeins
að minnast á þetta því umræður hafa átt sér stað um
það hvort stjórnin sé orðin of fjölmenn með þessum
breytingum (nú sitja 10 menn í stjórn). Ég verð að
segja að fyrir hönd míns embættis fagna ég þessu
fyrirkomulagi. Mér finnst fráleitt að stúdentaskipta-
stjóra, sem á að vera fulltrúi FL erlendis, allavega
innan IFMSA, sé ekki skylt að standa klár á mál-
efnum félagsins og hafi ekki aðgang að stjórnar-
fundum félagsins. Þessu mætti líkja við að utanríkis-
ráðherra sæti ekki í ríkisstjórn.
Ég sé ekki að 10 manna stjórn þurfi endilega að
vera svo erfið í vöfum. Mér finnst ekki að auka-
stjórnarmeðlimir eins og stúdentaskiptastjóri, rit-
stjóri Læknanemans og formaður fræðslunefndar,
sem eru nokkurs konar áheyrnarfulltrúar, þurfi að
70
LÆKNANEMINN