Tímarit Hins íslenzka bókmentafélags - 01.01.1900, Blaðsíða 8
i þessum fimm Móse-bókum, er beri þess vott, að Móse sé
ekki höfundur þeirra?
Og þessari spurningu hljótum vér að svara játandi.
í riti þessu rekum vér oss á fjölda atriða, er ekki
að eins gera ósennilegt, heldur jafnvel með öllu óhugs-
anlegt, að Móse sé höfundur ritsins í heild sinni, eins og
það liggur nú fyrir.
Yér skulum benda á fáein dæmi af mörgum,
sem Ijóslega bera það með sér, að Móse sé ekki og geti
ekki verið höfundur Móse-bókanna.
í 1. Mós. 12, 6 er svo að orði komist: „Og Abra-
ham fór um landið, alt þangað er Sikem heitir, alt til
Móre-lundar; en þá vorv Kanaanítar í landinu“ (sbr. 13, 7).
Ihið getur ekki dufist, að þessi orð eru skrifuð eftir að
Kanaanitar eru farnir buit úr landinu, en þá hefir
Móse ekki getað skrifað þessi orð, því að af öðrum stöðum
vitum vér, að Kanaanítar hurfu ekki úr landinu fyr en
löngu eftir daga Móse.
í 1. Mós. 14, 14 er sagt, að Abraham hafi elt her-
konunga þá, sem herjað höfðu á Lot, frænda hans, „alt
til Dan“. Slíkt hefir Móse ekki getað skrifað, því að
bæjarnafnið „Dan“ var ekki til á dögum Móse. Á hans
dögum hét bær þessi Laish, en löngu seinna gáfu niðjar
Dans Jakobssonar bæ þessum nafnið Dan, eftir ættföður
sínum (sbr. Dóm. 18, 29).
I 1. Mós. 36, 31stendur: „Þessir eru þeir konungar,
sem ríktu í Edómlandi, áður en konungar riktu yfir
ísraelsmönnum.“ Svo hefir Móse ómögulega getað að orði
komist, því að allir vita, að konungar ríktu ekki yfir
ísrael, fyr en mörgum öldum eftir dauða Móse. Hin
tilvitnuðu orð viiðast benda á, að sá, sem þau hefir
skrifað, hafi í fyrsta lagi veiið uppi á dögum Sáls kon-
ungs, því að með honum hefst konungdómur í ísraei.