Tímarit lögfræðinga - 01.12.2000, Blaðsíða 10
Fyrsta tölublað Tímarits lögfræðinga kom út í mars 1951. Fremst í blaðinu
er að finna formála sem undirritaður er af stjórnarmönnum í Lögmannafélagi
Islands, þeim Lárusi Jóhannessyni formanni, Agústi Fjeldsted ritara og Agli
Sigurgeirssyni gjaldkera. Þá er þar að finna eins konar forystugrein eða leiðara
eftir Einar Arnórsson fyrsta ritstjórann. Það sem einkum vekur athygli varðandi
þessi skrif er hófleg bjartsýni á framtíð hins nýja tímarits. Formáli stjómarinn-
ar hefst á þessum orðum:7
Það getur varla talizt vanzalaust af íslenzkum lögfræðingum, að þeir skuli ekki fyrir
löngu hafa stofnað tímarit um lögfræðileg efni á sama hátt og ýmsar aðrar stéttir, sem
þó eru fámennari í þjóðfélaginu, hafa gert, um sínar fræðigreinar.
Síðar í formálanum segir að Einar Arnórsson, fyrrverandi hæstaréttardómari,
hafi tekið að sér ritstjóm en ritnefnd skipi þeir Olafur Lárusson prófessor, Arni
Tryggvason hæstaréttardómari og Theodór B. Líndal hæstaréttarlögmaður.
Síðan segir í niðurlagi þessara aðfararorða:
En þó svo sé fyrir að þakka, mun rit þetta ekki frekar en fyrri tilraunir með lögfræði-
leg tímarit verða til uppbyggingar og langlíft í landinu, nema lögfræðingar yfirleitt
taki því opnum örmum, ekki aðeins með því að kaupa það og auglýsa í því, heldur
með því að senda því ritgerðir um áhugamál sín í lögfræðilegum efnum.
Heitir stjórn Lögmannafélags Islands á alla lögfræðinga, hvaða stöðum sem þeir
gegna í þjóðfélaginu, að slá skjaldborg um rit þetta og forða því frá þeim dauða, sem
er öllum dauðdaga óvirðulegri fyrir blað heillar stéttar - hordauðanum.
Þá er, eins og fyrr segir, ennfremur að finna í þessu fyrsta tölublaði hins nýja
tímarits eins konar forystugrein eða leiðara sem ritstjórinn Einar Arnórsson rit-
ar. Sú grein geislar ekki af bjartsýni um framtíð ritsins frekar en formáli stjóm-
ar. I leiðaranum kemur fram að Einar hafi „dregist á“ að taka að sér ritstjóm
tímaritsins vegna ítrekaðra tilmæla formanns lögmannafélagsins. „Mönnum má
þar með vera ljóst að tjaldað er til einnar nætur“, segir hann. Um efni fyrsta
tölublaðsins hefur Einar þetta að segja:8
Vera má, að einhverjum þyki efni þessa heftis eigi svo fjölbreytilegt eða að öðru svo
vaxið sem æskilegt hefði verið, og skal ekki borið á móti því, að svo kunni að vera.
En svarið er einfalt og á reiðum höndum: Annað efni hefur ekki borizt að svo tíman-
lega, að það gæti í þetta fyrsta hefti komið, sem ákveðið var, að kæmi út eigi síðar
en í lok fyrsta fjórðungs þessa árs. Framvegis er ætlazt til þess, að eitt hefti komi út
á hverjum ársfjórðungi.
7 Tímarit lögfræðinga. 1. hefti 1951, bls. 1 (Formáli stjómar Lögmannafélags íslands).
8 Einar Arnórsson: Tímarit lögfræðinga. 1. hefti 1951, bls. 2-3, einkum bls. 2. (Leiðari Einars ber
enga yfirskrift).
266