Tímarit lögfræðinga - 01.12.2000, Blaðsíða 104
9.3.1.10 Tilkynning um kröfu um úrbætur og nýja afhendingu
Kaupandi glatar rétti sínum til þess að krefjast úrbóta eða nýrrar afhendingar,
ef hann tilkynnir ekki seljanda um þá kröfu sína samtímis tilkynningu skv. 32.
gr. eða innan sanngjarns frests frá þeim tíma. Kaupandi heldur þó rétti sínum,
ef seljandi hefur sýnt af sér vítavert gáleysi eða framferði hans stríðir á annan
hátt gegn heiðarleika og góðri trú. Sjá 1. mgr. 37. gr. kpl. í neytendakaupum má
tilkynna þeim aðila um galla, sem í samningi við seljanda hefur tekið að sér að
bæta úr honum, sbr. ákvæði 2. mgr. 37. gr.127
I 1. mgr. 37. gr. kernur fram, að kaupandinn verður að tilkynna um kröfu sína
varðandi úrbætur eða afhendingu að nýju, annaðhvort samtímis tilkynningu
skv. 32. gr. eða innan sanngjams frests þar á eftir. Hér er því urn tvenns konar
viðmiðunarmörk að ræða. Skilyrðum 1. mgr. 35. gr. er í fyrsta lagi fullnægt, ef
kaupandi tilkynnir um kröfu sína til úrbóta eða afhendingu að nýju ásamt
almennri tilkynningu skv. 32. gr. Tilkynningarfresturinn er í því tilviki „innan
hæfilegs tíma“ eftir að kaupandi varð gallanna var eða hefði átt að verða þeirra
var. I annan stað fullnægir kaupandi skilyrðum 1. mgr. 35. gr., ef hann tilkynnir
„innan sanngjams frests“ eftir að fresti lauk skv. 32. gr. Hér er því um að ræða
viðbótarfrest, sem byrjar að líða, eftir að tilkynningarfrestur skv. 32. gr. rann út.
Rétt eins og varðandi tilkynningu skv. 32. gr. er það seljandinn, sem ber
áhættuna af því að tilkynningin komi ekki fram, sbr. 82. gr. kpl.
9.3.2 Verksamningar
Um verksamninga gildir sú regla, að verkkaupi getur krafist úrbóta á göllum
á verki eftir svipuðum reglum og gilda um rétt hans til efnda in natura.128
Samkvæmt gr. 29.1. í ÍST 30 ber verktaki ábyrgð á verki í eitt ár frá því að hann
skilaði því af sér. Sama er um einstaka verkhluta, ef þeim er skilað sérstaklega.
I gr. 29.2. segir, að verktaki skuli á sinn kostnað bæta úr göllurn á verkinu, sem
í ljós koma á ábyrgðartímanum og stafa af því, að efni eða vinna var lakara en
skylt var eftir samningi, enda hafi verkkaupi kvartað yfir göllunum innan hæfi-
legs tíma, eftir að hann varð þeirra var. Bæti verktaki ekki úr galla innan hæfi-
legs tíma, eða verði ekki náð til hans í tæka tíð, má verkkaupi lagfæra galla á
kostnað verktakans.
127 Sambærilegar reglur og fram koma í lagagreininni eru í 2. og 3. mgr. 46. gr. Sþ-samningsins.
Greinin svai'ar til 2. málsl. 52. gr. eldri laga, þar sem sagði, að hefði kaupandi orðið þess var, að
hlutnum er áfátt, eða hann hefði átt að verða þess var, og hann skýrði eigi seljanda frá, svo sem fyrir
var mælt í ákvæðinu, gæti hann eigi síðar borið það fyrir sig að hlutnum hafi verið áfátt. Alþt. 1999-
2000, þskj. 119, bls. 108-109.
128 Um verksamninga sjá Bernhard Gomard: Obligationsret 2. del, bls. 67, og sami höfundur:
Obligationsret Almene emner, 1. hæfte. Naturalopfyldelse, bls. 64; Páll Sigurðsson: Verksamning-
ar, bls. 175 o.áfr.
360