Tímarit lögfræðinga - 01.12.2000, Blaðsíða 9
eftir Konrad Maurer, grein eftir Lárus H. Bjamason um fyrningu skulda og
Handbók fyrir hreppsnefndarmenn eftir Klemens Jónsson. Meðal annars efnis
voru ritfregnir, yfirlit yfir dóma í íslenskum málum og ýmsar smærri ritgerðir.4
Sem fyrr segir komu aðeins út fimm árgangar af þessu fyrsta lögfræðitímariti á
Islandi. Um þetta framtak segir Olafur Lárusson í tilvitnaðri grein í Tímariti
lögfræðinga: „Vér, íslenzkir lögfræðingar megum minnast Páls Briem með
þakklæti fyrir þetta framtak hans, sem hefði getað orðið íslenzkum lögvísind-
um til hins mesta gagns og eflingar eins og hann mun hafa vonað að það yrði“.
Eftir að Lögfræðingur hætti að koma út birtust greinar um lögfræðileg efni í
ýmsum tímaritum, svo sem Skírni og Andvara. Árið 1922 var stofnaður í
Reykjavík sérstakur félagsskapur lögfræðinga og hagfræðinga um útgáfu tíma-
rits sem bar heitið Tímarit lögfrœðinga og hagfræðinga. Á árunum 1923 og
1924 komu út alls sjö tölublöð en síðan ekki söguna meir.5
I rúma tvo áratugi eftir þetta kom ekkert tímarit út á Islandi sem sérstaklega
var helgað lögfræðilegum efnum eða allt þar til Ulfljótur, tímarit laganema, hóf
göngu sína árið 1947.1 fyrstu atrennu kom Ulfljótur út í þrjú ár. Hlé varð á út-
gáfu blaðsins 1951, þ.e. árið sem Tímarit lögfrœðinga hóf göngu sína. Úlfljót-
ur hóf síðan aftur að koma út árið 1952 og hefur komið út óslitið síðan.6 Var
fimmtíu ára afmæli tímaritsins á árinu 1997 m.a. fagnað með útgáfu afmælis-
rits sem hafði að geyma ritgerðir eftir alla fasta kennara lagadeildar auk viðtals
við Þorvald Garðar Kristjánsson sem var aðal hvatamaðurinn að stofnun Úlf-
ljóts. Þar birtist ennfremur grein um sögu ritsins eftir Ásmund Helgason, þáver-
andi laganema.
3. TÍMARIT LÖGFRÆÐINGA
3.1 Aðdragandi Tímarits lögfræðinga og fyrsta heftið
Hér að framan eru raktar tilraunir til að gefa út tímarit helgað lögfræðilegum
efnum á Islandi. Hugmyndir um útgáfu lögfræðitímarits höfðu um alllangt
skeið verið til umræðu innan lögmannafélagsins án þess að af framkvæmdum
yrði. Voru margir á þeirri skoðun að útgáfa tímarits gæti orðið mikil lyftistöng
fyrir íslenska lögfræði. Eins og fyrr er rakið hóf Úlfljótur göngu sína árið 1947.
Kann það að einhverju leyti að hafa tafið fyrir því að lögmannafélagið réðist í
útgáfu á sínu eigin tímariti. Það er síðan á árinu 1951, þegar Úlfljótur hætti
tímabundið að koma út, að Tímarit lögfrœðinga hóf göngu sína.
4 Það sem hér kemur fram er aðallega byggt á grein eftir Ólaf Lárusson: „Lögfræðirit Páls
amtmanns Briem“. Tímarit lögfræðinga. 3. hefti 1956, bls. 129-133.
5 Ásmundur Helgason: „Stiklað á stóru í fimmtíu ára sögu Úlfljóts". Úlfljótur. 1. tbl. 1997, bls.
9-28, einkum bls. 12.
6 Um sögu Úlfljóts, sjá Ásmund Helgason, sbr. neðanmálsgrein á undan. Um þetta má einnig
fræðast í riti Jóhannesar Sigurðssonar: Saga Orators. Reykjavík 1987.
265