Tímarit lögfræðinga - 01.12.2000, Blaðsíða 21

essor og nú ráðuneytisstjóri, sem leggur mest af mörkum. Þá er ljóst að á sviði
refsiréttar er framlag Jónatans Þórmundssonar prófessors drýgst þótt það dreif-
ist yfir lengra tímabil en hinna tveggja. Þannig er ljóst að framlag einstakra
manna og áhugasvið þeirra getur iiaft veruleg áhrif á það í hvaða hlutföllum
greinar skiptast á einstök svið lögfræðinnar. Það vekur einnig athygli að á ára-
tugnum 1991-2000 lækkar hlutfall prófessora og annarra kennara lagadeildar af
þeim sem leggja ritinu til fræðilegt efni. A þessu tímabili eru það dómarar og
þeir sem í þann flokk falla sem skrifa 32% af fræðilegum greinum en kennarar
lagadeildar 23% og er það sama hlutfall og lögmenn leggja til. Aftur skal tekið
fram að þetta hlutfall kynni að breytast ef notaður væri strangari mælikvarði á
það hvað telst fræðileg grein. Virðist sem færst hafi mikið í vöxt á síðasta ára-
tug að fyrirlestrar og erindi af ýmsum toga séu prentuð en margt af þessu efni
er á mörkum þess að geta talist fræðilegt í ströngum skilningi þótt það hafi gildi
að öðru leyti fyrir almenna lögfræðilega umræðu.
Fróðlegt er að bera þessar tölur saman við athugun sem gerð var á greinum í
Úlfljóti á tímabilinu 1947-1997.25 Til grundvallar þeim tölum sem þar koma
fram liggur að nokkru leyti önnur flokkun en hér er notuð bæði að því er varð-
ar skiptingu í fræðasvið og ennfremur skiptingu í starfsstéttir. Tölumar eiga þó
ýmislegt sameiginlegt. Flestar greinar flokkast undir almenna lögfræði, réttar-
sögu og réttarheimspeki sameiginlega. Af öðrum einstökum sviðum lögfræð-
innar eru flestar greinar á sviði réttarfars. I þriðja stærsta flokkinn falla greinar
á sviði refsiréttar og afbrotafræði. Tölumar eru að þessu leyti sambærilegar við
það sem hér kemur fram. Greinar á öðrum sviðum skiptast einnig í svipuðum
hlutföllum og fram koma hér að ofan.
Af einstökum starfsstéttum er það flokkurinn „aðrir lögfræðingar" sem lagt
hefur mest af mörkum til Úlfljóts á greindu tímabili. Næstir koma prófessorar
og aðrir kennarar lagadeildar. Munurinn á þessum tölum og þeim sem hér eru
settar fram kann að skýrast að einhverju leyti af því að fleiri falli undir flokk-
inn aðrir lögfræðingar en hér er byggt á. Af skiljanlegum ástæðum er framlag
laganema til Úlfljóts miklu meira en til tímaritsins enda um að ræða blað þeirra.
d) Fregnir af dómstólum, nýrri löggjöf o.fl.
í samræmi við forystugrein Einars Amórssonar í fyrsta heftinu hefur frétta-
flutningur af „aðgerðum dómstóla landsins, af setningu mikilvægra laga og af
aðgerðum framkvæmdarvaldsins“ verið fastur liður í Tímariti lögfræðinga frá
upphafi. Einkum hefur athyglin beinst að dómstólunum. Þannig er strax að
finna í 1. heftinu sérstakan þátt undir heitinu „Frá dómstólum. Bæjarþing og
sjódómur Reykjavrkur“ og er hann tekinn saman af Benedikt Sigurjónssyni. Þar
eru reifaðir allmargir dómar sem höfundi hafa fundist áhugaverðir. Samsvar-
andi þætti er að finna í öðrum heftum með reifunum dóma frá Sakadómi
25 Sjá Ásmund Helgason: „Stiklað á stóru í sögu Úlfljóts". Úlfljótur. 1. tbl. 1997, bls. 9-28,
einkum bls. 26-27.
277