Tímarit lögfræðinga - 01.12.2000, Blaðsíða 24
Ritstjóm þessa tímarits hefur löngum verið áhyggjuefni og nánast feimnismál að í
því skuli ekki jafnhraðan vera getið þeirra lögfræðirita sem gefin eru út hérlendis og
jafnvel skrifaðir um þau ritdómar. Má þetta teljast til töluverðs vansa. Aðalástæða
þessa er auðvitað sú, svo til afsakana sé gripið, að reynst hefur nánast útilokað að fá
menn til að skrifa ritdóma.34
Undir það má taka að umfjöllun um útkomin rit í tímaritinu mætti vera ítar-
legri. Einkum verður að telja að þörf sé á ritdómum þar sem styrkur og veik-
leikar slíkra rita eru raktir. Má segja að skortur á skipulegri ritrýni sé veikleiki
í fræðaheimi íslenskra lögfræðinga en aukið aðhald í þessum efnum væri áreið-
anlega til þess fallið til lengri tíma litið að auka gæði slíkra verka. Þó má geta
þess að Ulfljóti, tímariti laganema, hefur nú hin síðari ár tekist að halda úti
reglulegum ritdómum. Astæðan fyrir því að þetta hefur þó almennt gengið illa
er að sjálfsögðu fámenni stéttarinnar og smæð íslenska fræðaheimsins þar sem
menn skorast undan að skrifa dóma um rit þeirra sem þeir þekkja persónulega.
Þó má benda á að meðal annarra stétta fræðimanna, sem þó eru fámennari en
lögfræðingastéttin, er haldið úti reglulegum ritdómum þar sem bækur fá ítar-
lega og gagnrýna umfjöllun. Má nefna sem dæmi tímaritið Sögu þar sem rit-
dómar um ný sagnfræðirit birtast reglulega.
f) Fregnir sem varða lögfræðingastéttina
Ymis konar fréttir sem varða lögfræðingastéttina, félög þeirra og stofnanir
þar sem lögfræðingar koma mikið við sögu, hafa verið nokkuð fastur liður í
blaðinu frá upphafi. Lengst af hafa slíkar fréttir verið undir liðnum „A víð og
dreif ‘ sem kemur fyrst fyrir þegar á upphafsárum tímaritsins. Þar hefur verið að
finna alveg frá upphafi fréttir af einstökum félögum lögfræðinga og þá auðvit-
að fyrst og fremst Lögfræðingafélagi Islands, Lögmannafélagi Islands og Dóm-
arafélagi Islands. Meðal annarra fastra liða eru fréttir frá lagadeild Háskóla Is-
lands og starfsemi Lagastofnunar. Undir þeim liðum eru m.a. birtar árlega rita-
skrár fastra kennara lagadeildar auk upplýsinga um fyrirlestra sem þeir hafa
haldið og ýmis önnur störf þeirra og fyrirætlanir. Þá eru undir þessum lið frétt-
ir af ráðstefnum, erlendum samskiptum, bókafréttir, fréttir af nýrri löggjöf,
fréttir af hagsmunabaráttu lögfræðinga (einkum á árum áður) og margt fleira
sem of langt mál yrði að telja. Hefur tímaritið að þessu leyti verið mikilvægur
vettvangur frétta af viðburðum og málefnum sem snerta lögfræðingastéttina í
heild.
34 „Útgáfa lögfræðirita". Tímarit lögfræðinga. 3. hefti 1997, bls. 143-145. í þessu sama hefti er að
finna grein eftir Stefán Eiríksson lögfræðing sem ber heitið „Lagabókmenntir 1990-1996“.
Greinin hefur ekki að geyma ritdóma eða gagnrýni heldur eingöngu upptalningu og grunnupplýs-
ingar um viðkomandi rit.
280