Tímarit lögfræðinga - 01.12.2000, Blaðsíða 12
lögfræðinga til að vera duglegri við að leggja
tímaritinu til efni.11 Orð Theodórs voru ekki af
tilefnislausu. I öllum heftum árganganna
1951-1953 leggur Einar Amórsson sjálfur til
drjúgan meirihluta efnisins og lengst gengur
þetta í 1. og 2. hefti 1953 þar sem hann leggur
til allt efnið. Samkvæmt þessu hafa íslenskir
lögfræðingar ekki verið sérlega ritglaðir á
þessum árum. Er ljóst að fyrsti ritstjóri tíma-
ritsins hefur sjálfur séð til þess að því yrði
forðað frá „hordauðanum“ sem stjóm lög-
mannafélagsins óttast svo mjög í ávarpi sínu í
1. heftinu.
Frá og með árgangi 1957 minnkar tímaritið
um því sem næst helming og aðeins koma út
tvö hefti á ári. Helst þetta svo fram að árgang-
inum 1972. A þessu tímabili eru árgangamir
108-170 blaðsíður auk auglýsinga. Minnstur
er árgangurinn 1963, eða 108 blaðsíður.
Tímarit lögfræðinga
Ritntfnd:
ARNI TRYCGVASON hœuartttardAmari
OLAFUR LARUSSON priltuor ir. juru
THEÖDOR B. UNDAL Acfitardttarlógmaiur
Sk*ðabót»4byrcB I umbandl vl
i: Bvjarþlng og ajúdómur Rrykjavlk
REYKJAVIK — PRENTSMIÐJA AUSTURLANDS HF
ForsíÖa 1. heftis Tímarits
lögfrceðinga.
Við upphaf ritstjórnartíðar Þórs Vilhjálmssonar 1973 stækkar tímaritið aftur
í fjögur hefti á ári og stærð þess í blaðsíðufjölda fer nálægt því sem var á fyrstu
árunum. Hafa síðan verið gefin út fjögur hefti á ári. Stærstir hafa árgangamir
orðið nú hin síðari ár. Þannig er árgangurinn 1999 stærsti árgangur tímaritsins
til þessa, eða alls 386 blaðsíður.
Eins og fram hefur komið stóð Lögmannafélag Islands fyrir útgáfu tímarits-
ins á fyrstu árum þess. Þegar Lögfræðingafélag Islands var stofnað 1958 þótti
stjóm lögmannafélagsins sjálfsagt að hið nýja allsherjarfélag lögfræðinga á ís-
landi tæki við útgáfu tímaritsins og hófust fljótlega viðræður milli félaganna
tveggja um það. Varð úr að Lögfræðingafélag Islands tæki við útgáfunni frá og
með upphafi árgangs 1960 og hefur félagið gefið tímaritið út síðan.12 í ávarps-
orðum frá Lögmannafélagi íslands og Ármanni Snævarr, fyrsta formanni Lög-
fræðingafélags Islands, í 1. hefti 1960 er fjallað um þessi tímamót. í ávarpsorð-
um lögmannafélagsins er það rifjað upp að menn báru fyrir því nokkurn kvíð-
boga að félagsmenn lögmannafélagsins gæfu sér ekki tíma til að rita í blaðið og
reynslan hafi vissulega sýnt að sá kvíðbogi var ekki að ástæðulausu.13 í ávarps-
orðum Ármanns Snævarr segir einnig að það muni á almannavitorði að ritstjór-
ar tímaritsins fram að þessu hafi ekki átt sjö dagana sæla við öflun efniviðar.
11 Theodór B. Líndal: „Ávarp“. Tímarit lögfræðinga. 1. hefti 1954, bls; 1.
12 Sjá t.d. Davíð Þór Björgvinsson: „Ágrip af sögu Lögfræðingafélags íslands". Tímarit lögfræð-
inga. 4. hefti 1998, bls. 258-278, einkum 269-270.
13 „Ávarpsorð frá Lögmannafélagi Islands". Tímarit lögfræðinga. 1. hefti 1960, bls. 1-2, einkum
bls. 1. (Undir ávarpsorðin rita tveir stjórnarmenn í félaginu, þeir Lárus Jóhannesson formaður og
Ágúst Fjeldsted varaformaður).
268