Árbók Hins íslenzka fornleifafélags - 01.01.1991, Blaðsíða 114

118
ÁRBÓK FORNLEIFAFÉLAGSINS
Mynd 25. Skissa af hugsanlegri verbúðartóft ogfiskreit. Teikning: G.Ó.
Þrælagerði
Þrælagerði er um 600 metrum sunnan við Lykkju. Það hefur að mestu
verið eyðilagt þegar svæðið var sléttað undir tún, en norðan við túnið, þar
sem landinu hallar niður að lækjarfarvegi, má sjá garðbrot sem gætu verið
leifar af þessu gerði. Garðhleðslan er bogadregin, allt að 2 m að breidd á
norðurhlið og tæplega 1 m að hæð að utanverðu, en aðeins um 0,4 m að
sunnanverðu. Engin rannsókn var gerð á staðnum að öðru leyti en því að
slegið var máli á garðinn frá austri til vesturs og reyndist hann vera um
65 m í þvermál. Að austanverðu var hægt að fylgja garðinum nokkuð til
suðurs. Þar var hann aðeins um 0,3 m hár og um 1 m breiður. í rofamold-
um sáust grjóthleðslur í sárinu. Norðarlega í túninu er dálítil hólbunga.
Hugsanlega hafa þar verið tóftir sem búið er að slétta út.
Ogerningur er að segja til um án frekari rannsóknar hvað þarna hefur
verið. Garðurinn gæti verið leifar af túngarði eða annars konar vörslugarði.
Nafngiftin „Þrælagerði" verður ekki skýrð af þeim minjum sem þarna er
að finna í dag.
Fjallgerði
Uppi í hlíðum Hámundarstaðafjalls um 600 m suður af bænum Hálsi í
um 120 m hæð eru allmargar grónar tættur. Gremilegasta tóftin er í dag-