Eimreiðin - 01.05.1902, Qupperneq 66

146
og hópa sig hátt upp við tinda;
og hér byggja landvættir hörga og gil,
svo hér þarf ei útlenda snillinga til,
að mála þær upp eða mynda.
Við klettana þarna gegnt suðri og sól,
ég setja vil forsetans öndvegisstól
í hlé undir hamranna fæti;
og beint þaðan út frá á hægri hönd,
á hrufóttum steini við jökulsins rönd,
er réttkjörið ráðgjafasæti.
Og síðan ég hugsa mér sameinað þing,
er situr hér út frá í víðum hring
um fagra fjalllendisreita.
»Vér þurfum að hefja vort háttvirta þing
og hækka og víkka þess sjóndeildarhring,«
þeir segja svo margoft til sveita.
Já hér, upp í fjallhvelsins heilnæmu lind,
svo hátt fyrir ofan spilling og synd
fær ýmislegt örvað til dáða.
Hér getur ei böl eða blekking sér leynt,
hér blessast og þrífst ekki annað en hreint, —
já hér ætti ráðum að ráða.
Og fyndist þá einhver, sem frelsisins mál
hér flytur með djörfung og einurð í sál
og hildausum hreimi og snjöllum,
mun bergmálið sanna frá sérhverjum stein,
að svoleiðis þjóðhetja talar ei ein —
og »heyr!« verða hrópað úr fjöllum.
Gubmundur Magnússon.