Ársrit Ræktunarfélags Norðurlands - 01.01.1938, Page 3
5
Árni Jóhannsson.
Björn Jóhannsson.
Jóhannes Friðlaugsson.
Þá var gefið fundarhlé til þess, að nefndin gæti lokið
störfum og til miðdegisverðar.
Kl. 1 var fundur settur á ný.
Mættir úr æfifélagadeild Svarfdæla:
Gunnlaugur Gíslason, Sökku.
Daníel Júlíusson, Syðra-Garðshorni.
Fjárhagsnefnd skilaði áliti og hafði Jóhannes Frið-
laugsson framsögu. Lagði fjárhagsnefnd fram svohljóð-
andi tillögu:
„Fjárhagsnefnd leggur til, að fjárhagsáætlun, fyrir
árið 1939, verði samþykt með þeirri breytingu, að
tekjuliður 4. falli burtu og tekjuliður 10. hækki um
sömu upphæð, eða úr kr. 500.00 í kr. 550.00.
Mættur úr æfifélagadeild Reykdœla:
Glúmur Hólmgeirsson, Vallnakoti.
Framkvæmdastjóri gaf skýrslu um starfsemi félags-
ins, einkum hina helstu liði tilraunastarfseminnar, og
benti á, að framtíðarstarfsemi félagsins verði einkum
tilraunastarfsemi, sem fella verði inn í heildartilrauna-
starfsemi í landinu, þegar fult skipulag verði komið
á þau mál.
Þá var gengið til atkvæða um fjárhagsáætlun fyrir
árið 1939 og var hún samþykt svohljóðandi með öllum
atkvæðum: