Ársrit Ræktunarfélags Norðurlands - 01.01.1938, Page 133

127
árum ræktunarinnar, með sára litlum áburðarkostnaði,
gefið mikla og verðmæta uppskeru, jafnframt því, sem
jarðvegurinn auðgast af jurtanæringu. í kjölfar belg-
jurtagrænfóðursins fylgja svo smáraslétturnar, þar sem
smárinn, um ófyrirsjáanlega framtíð, fullnægir N-þörf
gróðursins að verulegu leyti. Aðeins á þennan hátt er
hægt að halda áburðarkostnaði nýbýlanna innan rými-
legra takmarka. Ræktun belgjurta verður því ein af
þeim meginstoðum, sem nýtt landnám hvílir á.
Eg vil þó taka það fram, ef einhverjum væri það
ekki fyllilega ljóst af því, sem þegar hefur sagt verið,
að ræktun belgjurta samrýmist ekki óðagots- og hroð-
virknisstefnu þeirri, sem mjög hefur verið ráðandi í
ræktunarmálum okkar. Ræktun belgjurta getur aðeins
orðið þeim að notum, sem hafa gert sér það Ijóst, að
hugtakið „að slétta“ og „að rækta“ er ekki það sama,
að á undan ræktun þarf að ganga ákveðinn undirbún-
ingur, sem skapar þeim gróðri hagkvœm skilyrði, sem
rækta á, að rœktunarjurtir þurfa ákveðna aðbúð og um-
önnun til þess að njóta sín, og að nýyrkja og rœktunar-
umbœtur eiga að vera fastur árlegur liður í búskapn-
um, en ekki óútreiknanlegir fjörkippir, sem teknir eru
með miklum bœgslagangi án fyrirhyggju endrum og eins.
Oft hefur verið rætt um að reisa þurfi verksmiðju
hér innanlands, til þess að vinna áburð úr loftinu, til
hagsbóta fyrir ræktun landsins. Ef til vill er þetta
kleyft, en hitt er vafasamara, hvort ræktun okkar yrði
borgið á þann hátt og við megum ekki, í róti hinnar
vélrænu menningar, missa sjónir á þeim útræðum, sem
náttúran sjálf leggur okkur upp í hendurnar. Einfald-
asta lausnin er venjulega besta lausnin á hverju máli
og það verður vafalaust brotaminst, ódýrast og örugg-
ast að láta jurtirnar sjálfar vinna köfnunarefnisáburð
úr loftinu, en það gera BELGJURTIRNAR,