Réttur - 01.01.1951, Blaðsíða 44

44
R É T T U R
fela í sér umsköpun tveggja heimsálfa krefjast sameiginlegs
átaks allrar þjóðarinnar. Og hjörtu milljónanna eru gagntekin
sköpunargleði.
Allur heimurinn hlustar með eftirvæntingu á dyn vélanna og
hið örugga fótatak mannanna sem hafa lagt út í harða baráttu,
0
ekki til að ræna löndum og auði annarra, heldur til að rækta
óbyggðar eyðimerkur og beizla hin máttugu öfl vindsins og vatns-
ins.
Sí og æ heldur jörðin áfram á leið sinni gegnum geyminn. Og
sí og æ hellir sólin geislum sínum yfir jörðina og veitir ljósi og
hita jafnt á austurhelming og vesturhelming.
En eyðimerkur Ameríku, Afríku og Ástralíu halda áfram að
vera líflausar og skrælnaðar. Stjórnendur þessara heimsálfa hafa
engan áhuga á að græða upp eyðimerkur. Þeir gera áætlanir um
eyðileggingu verðmæta en ekki sköpun þeirra.
Þeir ætla ekki að vökva jörðina með vatni heldur með manna-
blóði.
En mun þeim heppnast að snúa hjóli tímans afturábak?
Vonin um glæsta framtíð mun lýsa mannkyninu á leið sinni.
Forsaga heimsins — þegar óbeizluð frumstæð öfl ríktu í nátt-
úrunni og í þjóðfélagi mannanna — er nú senn á enda. í okkar
landi er hin nýja öld sem spáð var af vitringum og lærimeisturum,
þegar risin. Það er öld skynseminnar þegar enginn maður kúgar
eða arðrænir annan.
Áætlunin um framkvæmd kommúnismans er nafnið sem okkar
þjóð hefur gefið þessu volduga verki sem mun umbreyta þremur
stórfljótum og áhrifa þess gæta í lífi tveggja heimsálfa.
Við sjáum í huganum þessa miklu stíflugarða, stöðuvötn og
skurði og steppurnar og eyðimerkurnar orðnar að frjósömum
gróðurlöndum fyrir starf milljónanna.
Þetta er landið okkar á öld kommúnismans.
Óskar B. Bjarnason þýddi.