Andvari - 01.08.1961, Side 22
116
BIRGIR ’IHORLACIUS
ANUVARI
heiðnu Hawaii-búa til trúar á einn sannan guð> — en í reyndinni hefur þetta
orðið svo, að guðir aðkomumannanna eru í dag litlu færri en guðir hinna fornu
íbúa eyjanna. — En ef til vill er réttast að taka því eins og bifreiðarstjóri, sem
ég ók með í New Dehli á Indlandi fyrir nokkrum árum. Hann spurði mig hverrar
trúar ég væri, og þegar ég sagðist vera kristinn, þá sagði hann af rniklu um-
burðarlyndi, að það gerði ekkert til, — það væri ekki víst, að það væri verra en
hvað annað.
Hvaða myndir, sem mannlífið kann að taka á sig á Hawaii í framtíðinni,
þá virðist svo, sem þeir, er þar búa nú, uni hag sínum vel, — og náttúrufegurðin
er einstök, allt frá pálmalundum á ströndinni og upp á snæviþakinn tind
Mauna Kea.
Dvöl okkar á Hawaii er lokið. Við erum aftur staddir í flugstöðinni á Oahu,
við streymandi mannhaf, sem kemur og fer. Vinir okkar færa okkur ilmandi
blómsveiga að skilnaði. Flugvélin ber oklcur út í nóttina og myrkrið og innan
stundar eru ljósin í Idonolulu horfin.