Andvari - 01.01.1948, Blaðsíða 16
12
Þorkell Jóhannesson
ANDVARl
tæk er í rauninni bæði rík og öflug, ef hún trúir á framtið
sína, heldur tryggð við uppruna sinn og er samtaka um að
halda menningararfi sínum í heiðri.
III.
Og svo líður tíminn fram um 1890. Nýtt tímabil hefst. Hin
kornfrjóa jörð skilar ríkulega arðinum af striti hóndans. Unga
kynslóðin leggur liönd á plóginn og færir út akurlendið, reisir
glæsilega l)ústaði, þar sem bjálkakofinn stóð, eða leitar til
menntasetra borganna og tekur upp samkeppni við æsku
landsins á nýjum vettvangi. Einn i þeim hópi vár Rögnvaldur
Pétursson. Sextán ára gamall hóf liann nám i gagnfræða-
skólanum í Cavalier og dvaldist þar tvö ár. Fjárhagurinn var
þröngur, og varð hann um hríð að vinna fyrir sér, áður en
lengra væri haldið á menntabrautinni. 1896 réðst hann svo
til Winnipeg og stundaði þar skólanám í önnur tvö ár, hið
síðara í Wesley College. Þessi dvöl hans í Winnipeg varð harla
affaramikil, því að hér hneigðist hann fast að trúarstefnu
únitara, er hann mun að visu haía þeklct eitthvað áður, og
ákvað að búa sig undir kennimannsstarf í þjónustu hennar.
Haustið 1898 innritaðist hann í guðfræðiskólann í Meadville
í Pennsylvaniu í Bandaríkjunum. í Meadville stundaði Rögn-
valdur nám í 4 ár, lauk prófi 1902 með ágætum vitnisburði,
er ávann honum eins árs styrk til framhaldsnáms í Harvard-
háskólanum í Cambridge, Massachusetts (Perkin’s Fellow-
ship). Vakti þessi atburður á sinni tið allmikla athygli vestra
meðal íslendinga, er jafnan hafa kunnað að fagna því, ef ein-
hver úr þeirra hópi hefur skarað fram úr með nokkrum hætti
í samkeppni við annarra þjóða inenn. En á þessum árum
voru námssigrar íslendinga fágætari en siðar varð, enda þeir
inenn færri, er sótlu á þá braut. í Harvard lagði Rögnvaldui'
stund á guðfræði og forngermanska málfræði og gat sér gott
orð. Þar kynntist hann ýmsum ágætum forvígismönnum
Únitarasainbandsins ameríska, og komu þau lcynni honum
síðar vel að haldi.
Sumarið 1903 kom Rögnvaldur aftur til Winnipeg frá Har-