Andvari - 01.01.1948, Blaðsíða 52

48
Jóh. Gunnar Ólafsson
ANDVARÍ
„Þess hef ég oft heyrt getið, að skáld hafi verið dæmd til
dauða, en aldrei til hýðingar.“ „Sigurður deklarerar appell
til þess kónglega landsyfirréttar," segir í bókun aukaréttarins.
í landsyfirrétti var málið dæmt 29. október 1838. Niður-
staða landsyfirréttar varð önnur. Sigurður var nú dæmdur i
27 vandarhagga refsingu, en Kristin til þess að greiða 8 ríkis-
bankadala sekt. Hjónabandið var ekki dæmt ógilt. Héraðs-
dómarinn fékk verstu ákúrur fyrir málsmeðferð sína og drátt
á rannsókn málsins. Segir i forsendum dómsins, að dómarinn
hafi „og rétt sem hliðrað sér hjá allri framkvæmd sakarinnar,
en látið hana einungis hvíla á aktor (sækjanda)“.
Hæstiréttur kvað upp dóm í málinu 17. júní 1839, og var
refsing Sigurðar þar linuð í 20 vandarhögg, en sekt Kristínar
látin haldast. Með konungsbréfi 22. júní 1840 var Sigurður
leystur undan refsingunni gegn greiðslu 40 ríkisdala sektar.
Þá skyldu þau Sigurður og Kristín greiða kostnað sakarinnar.
Var hann orðinn mikill, eins og vænta má, er málið hafði verið
rekið fyrir þremur dómstigum. Reytur þeirra voru teknar
fjárnámi til tryggingar kostnaðinum, enda þótt amtmaður
teldi, að þær væru lítilmótlegar. En ekki mun þó hafa til þess
komið, að þær væru seldar til lúkningar kostnaðinum.
Þessa máls hefur verið getið hér rækilega, sökum þess að
það hafði mikil áhrif á ævi Sigurðar. Fjárhagur þeirra hjóna
var nú ærið örðugur, enda var húið lítið og Sigurður mikill
óreglumaður. Hann var að vísu mikill dugnaðarmaður til allrar
vinnu og slapp sjaldan verk úr hendi, þegar hann gætti sín.
Stundaði hann sjóróðra á vertíðum undir Jökli, og með íhlaup-
um vann hann að beykisstörfum. Bjarni amtmaður, nágranni
Sigurðar meðan hann bjó á Grímsstöðum, hefur lýst fjárhag
og fjárreiðum Sigurðar í bréfi til stiftamtmanns, dags. 21. okt.
1838. Þótt það sé óvinsamlegt, gefur það glögga liugmynd um
fjárhag Sigurðar um þessar inundir, og verður efni þess rakið
hér á eftir. í fyrstu getur amtmaður þess, að lagt hafi verið
hald á „lítilfjörlegar og skuldum vafðar reytur Sigurðar“ til
tryggingar málskostnaði í tvíkvænismálinu. Þá getur hann
þess, að hann hafi gert tilraun til að ná inn hestsverði fyrir