Skírnir - 01.12.1918, Blaðsíða 54
340
Um sendibréf
[Skirnir
sjálfur ákveðið. Hann getur mælt svo fyrir, að bréfin
megi ekki lesa fyr en 50 ár eru liðin frá dauða hans,
100 ár eða lengri tími. Ætli það liði yfir okkur, þó að
við læsum eitthvað í bréfum t. d. frá langafa okkar um
ástabrall hans utan hjónabands eða fram hjá hjónabandi,
svo að eg nefni nú einhverja þá óttaiegustu leyndardóma,
sem sendibréfin geta haft frá að segja. Við verðum að
reyna að líta á okkar bréf frá sjónarmiði framtíðarinnar.
Líka getur það borið við, að um leyndarmál þau, sem
standa í okkar bréfum og við viljum ekki láta sjást eftir
nkkur, sé fjallað í annara bréfum, sem geymd verða til
eilífðar, og þar sé um þessi sömu leyndarmál okkar farið
ókunnum og ómildum höndum og þau rangfærð eða eitt-
hvað fært manni til verra vegar, og þá getur verið gott
að geyma sín bréf til réttlætingar. — Annars verður líkt
ura leyndarmálin nú og í framtíðinni, að ekki verður
annað talið til þeirra en það, sem næst er þeim mönnum,
sem þá verða uppi.
Þá kunna margir að skirrast við að geyma bréf af
því, að þau séu höfundinum til hnjóðs. Stöku sinnum
kann að mega virða mönnum þetta til vorkunnar, en það,
sem sumir telja sér og öðrum óvirðing að, er oft í raun
og veru hégómi. Þó að viðtakanda þyki t. d. ósæmileg-
ura orðum farið um aðra menn eða málefni, getur öðrum
þótt það höfundi til hróss. Gaman og keskni skil eg ekki
í að framtíðin misskilji, fremur en við, eða taki hart á
því, að réttritunin á bréfum alþýðuraanna sé ekki sem
fullkomnust, og margt fleira mætti upp telja
Enn munu menn segja, að bréfin séu oft engin lýsing
af þeim, er skrifaði, eða að sú lýsing sé einhliða eða
röng. En þetta vitum við alt. Stundum geta bréfin verið
svo snubbótt og stuttaraleg, að þau segi ekkert um mann-
inn. Þetta á ekki sizt við nú, þegar sendibréfin eru yfir-
leitt að styttast. Þetta skilur líka framtíðin. Og það veit
hún líka, að bréfin geta aldrei verið tæmandi lýsing af
bréfritaranum. En það verður ekki heldur persóna bréf-
ritarans, sem alt snýst um, þegar á að fara að lesa bréfin