Skírnir - 01.12.1918, Blaðsíða 50
.336
Um sendibréf
[Skirnir
Þessi lýsing Karls Larsens á meðferð sendibréfa, þar
sem hann þekkir til, á ekki síður við hér. Við höfum
orðið fyrir óbætanlegu bréfatjóni. Og, það sem verst er, á
bréfum verða enn skaðar á hverju ári. Raunar hefir
stöku maður haldið saman og ráðstafað á réttan hátt bréf-
um, sem honum hafa safnast, en það er ekki nema und-
antekning. Aftur hafa aðrir, og þeir eru, sem betur fer,
nokkru fleiri, varðveitt bréf, sem þeir hafa fengið frá
merkum mönnum, eða mönnum, sem voru orðnir merkir
menn áður en bréfunum var glatað. Því er t. d. bréfa-
safn Jóns Sigurðssonar orðið jafnstórvaxið og það er. En
af þess háttar bréfum frá nafngetnum mönnum sögunnar
hefir eldurinn þó tekið í sinn hlut allan obbann, sjálfsagt
hér á íslandi marga vættarbagga. Þá er ekki smáræði
af bréfum glatað, sem gert hefðu höfundana að merkum
mönnum, ef til hefðu verið, en nú eru ekki einu sinni til
nöfn á, eða þá nöfnin ein, sem enginn tekur eftir, í línu
og línu á stangli í kirkjubókunum. — Og síðast, en ekki
sízt, allur sá aragrúi af öðrum sendibréfum, sem málið
og menningarfræðin, sagan af íslenzku þjóðinni, hefir
mist í margan snaran þátt af sjálfri sér.
Ef ö)l þessi glötuðu bréf væru nú komin hingað og
væru hér úti fyrir, og við værum beðnir að ganga út og
gera að þeim bál, mundi líklega fæst okkar vilja verða
til þess. En þctta er ekki meira en menn hafa gert og
gera enn alment, hver í sinu horni. Það væri ekki ann-
ar munurinn en sá, að okkur hlotnaðist að horfa á þá
stórkostlegustu nýársbrennu, sem sést hefir á Islandi.
Menn hafa farið hér afskaplega gálauslega með bréf
sin, og gera enn, alt of margir. Sendandinn hefir venju-
lega ekki þurft að skrifa: »Brendu bréfið« eða »ónýttu
þennan miða«. Viðtakandinn hefir samt hent þeim eða
brent jafnóðum eða fyrir dauða sinn, eða þá skilið þau
eftir sig ráðstöfunarlaust, og síðan hafa afkomendurnir týnt
þeim eða glatað á annan hátt.
Þessi meðferð á bréfunum stafar ýmist af hugsunarleysi
eða af ásköpuðu pukri með sendibréf sín, eða af hvorutveggja.