Iðunn : nýr flokkur - 01.04.1931, Side 61

iÐUNN
Dögun.
159
iðnaðurinn beggja megin Atlantshafs notar, er fram-
leitt við sömu þrælakjör.
Vegna þess, að mikill hluti fólksins í oýlendunum er
ánauðugir þrælar eða verra en það, getum vér fengið
þessar vörur fyrir gjafverð.
Það eru ekki auðmennirnir einir, sem upp skera gróð-
ann af nýlendunum. Öll liögnumst vér meira eða minna
á ósköpum bræðra vorra og systra í þessum hluta
heimsins.
(Lauslega þýtt úr „Syn og Segn“.)
Dögun.
Sjá árroðans volduga eld
í austri á tindunum Ijóma, -
heyr vorguðsins hásöngva hljóma,
því heljar-öfl grimm skulu feld.
Og sindrandi sólgeislaher
hann sveipar burt hreggskýjatjöldum,
og nóttinni er vikið frá völdum,
en vorgróðans sigurinn er.
Og daggperluð grösin á grund
þau glitra í þögulli lotning
og tilbiðja dagsJjóssins drottning.
Nú er dásamleg, töfrandi stund.
Og hærra á himininn rís
hinn heiti og sólbjarti dagur,
svo leiftrandi, Ijómandi fagur.
Sjá, Ijósinu’ er sigurinn vís.
Þorsteinn Halldórsson.
I