Kirkjuritið - 01.04.1949, Side 5

Páskasálmar,
HEYR GLEÐIBOÐSKAP.
Heyr gleðiboðskap þann, sem æðstur er,
sem oss er fluttur lífs í mestu nauðum.
Sjá! Engill Guðs þann helga boðskap ber:
Vor bróðir Kristur risinn er frá dauðum.
„Hann er upprisinn! Hann er ekki hér"
í heljarfjötrum dimmrar, kaldrar grafar.
Á sjálfum dauða sigur fenginn er
og sigurdýrðin björt frá gröf hans stafar.
Hann er upprisinn! Hann er e i n n i g h é r.
Sú helga vissa er páskagleðin sanna.
f dauðans myrkrum dásemd lífsins er,
því Drottinn sjálfur vitjar allra manna.
Þú herra lífsins, Drottinn dýrðarranns,
þín dásamlegust páskaundur gjörðu.
Rís upp í huga og hjarta sérhvers manns.
Þín heilög návist fylli alla jörðu.
Magnús Guðmundsson.