Kirkjuritið - 01.04.1949, Síða 10

88
KIRKJURITIÐ
mannanna. Þar er svo mikið trúarleysi, af því að það er andi
heimsins en ekki Guðs, sem hefir tekið sér bústað í hjörtum
svo margra. Þar er svo lítil löngun til að gera Guðs vilja,
lítil löngun til að heyra Guðs orð og varðveita það í góðum
og siðsömum hjörtum og færa ávöxt af því með stöðuglyndi,
af því að mennirnir láta sig svo mjög leiða af anda heims-
ins en ekki Guðs anda. Þeir eru svo margir, sem ekki þekkja
né þrá þessa himnesku gjöf, þennan himneska anda, sem fram-
gengur af föður og syni og kemur frá Guði með hið eilífa
ljós til að upplýsa sálir vorar og skilning, svo að þaðan hverfi
allt myrkur villu og vantrúar — til að skýra sýn sálarinnar,
svo að hún sjái og elski hið eilífa ljósið Guðs — sjái dýrð hins
eingetna sonar föðurins, sem er fullur náðar og sannleika. —
En til hvers kemur þá heilagur andi Guðs?
Hann kemur til að færa oss mönnunum hverskonar himnesk-
ar og guðdómlegar ástgjafir. Hann kemur til vor frá upp-
hæðum með blessun, ljós og líf; hann kemur með frið Guðs,
sem yfirgengur allan mannlegan skilning. Hann kemur til
vor með mátt og styrkleika til alls þess, sem gott er; hann
kemur til að kalla oss til Guðs ríkis og réttlætis, til að helga
oss og viðhalda í hinni sáluhjálplegu trú. Hann kemur með
sitt himneska kærleiksljós, til að lýsa oss í allri dimmu og
gegnum allt jarðneskt myrkur til hins eilífa ljóssins hjá
Guði. Þegar hann kemur til vor, streymir frá honum hið
himneska kærleikslíf til að lífga oss dauða í syndunum og
gera oss lifandi í Guði. Já, hann veitir oss hvers konar himn-
eska blessun og hvers konar himneskar ástgjafir, svo að allt,
sem vér hugsum, tölum og gerum, blessist oss í Guði, —
blessist oss til eilífrar sáluhjálpar.
Þegar þú, kristinn maður, eins og vaknar af svefni og sér
allt í einu synda-eymd þína, sér, hve ómaklegur þú ert Guðs
náðar, hve óhlýðinn og hirðulaus, hve vanþakklátur þú ert,
en aftur á móti hve góður, hve náðugur, hve ástríkur, hve
miskunnsamur og umburðarlyndur þinn himneski faðir er,
hve mikið þú átt honum að þakka, og hve mjög þú reytir
hann þó til reiði og brýtur af þér náð hans og gæzku, — þá
er Ijósið hér að ofan farið að lýsa þér, hið himneska ljós
heilags anda. Hann, hinn heilagi sannleiks-andi, tekur þá að