Sjómannadagsblaðið - 01.06.1989, Síða 21

SJÓMANNADAGSBLAÐIÐ
19
Bjartsýnismynd í skugganum yfir landinu. Maður fer að trúa að
úr rætist.
Það verður ekki séð af hverju allir eru svo alvarlegir. Kannski
eru þau öll að hugsa til ellinnar: „Hvernig leikur hún mig?“Það
kemur margur þungt hugsandi út af elliheimili.
Forsetinn er að Iesa vísu, sem Guðmundur Einarsson fra Ólafs-
vík, nú vistmaður á Hrafnistu í Reykjavík, orti til Forsetans við
komu hans á Hrafnistu.
Orðin fljóta af vinar vörum,
verður ei á þessu stanz.
Hæðst berð merki þjóðar þinnar.
Þú ert prýði þessa lands.
Þarna hefur núverandi Forseti íslands kveikt líf í gömlu hjarta,
og er þar með fyrsti forseti landsins, sem það hefur afrekað.
Forseti Slysavarnafélagsins, Haraldur Henrysson, þakkar heim-
sókn Sjómannadagsráðs í aðalstöðvar Slysavarnafélagsins.
Forsetinn kemur í heimsókn á Hrafnistu í Reykjavík. Rafn for-
stjóri er í fylgd með Forsetanum. A tröppunum til hægri (frá
vinstri talið) Jóhanna, forstöðukona, Ásgeir fjármálastjóri og
Málfríður deildarstjóri. Til vinstri standa nokkrir Hrafnistu-
búar heiðursvörð. Forsetinn fór um allt heimilið og hcilsaði
heimilisfólkinu.
Þessir þrír voru sæmdir gullmerki Sjómannadagsins: Lúðvík
Kristjánsson fyrir sín merku, sögulegu rit um sjávarútveg; Sig-
fús Halldórsson sem einn af mestu vinum og velunnurum Sjó-
mannadagsins og í langan tíma hefur unnið fyrir Samtökin og
m.a. tileinkað þeim tónverk; Pétur Sigurðsson, en of langt væri
að telja upp allt það sem hann er heiðraður fyrir. Hann hefur
verið „altmulig-man“ Samtakanna sem formaður þeirra í 27 ár.