Sjómannadagsblaðið - 01.06.1989, Blaðsíða 142

140
SJÓMANNADAGSBLAÐIÐ
Þjónustumiðstöðin er efst í gamla Hraunstúninu. Skammt niður af má sjá móta fyrir
bæjarrústum. Hjónin eru trúlega að virða fyrir sér fjallasýnina miklu og fögru, sem
Steingrímur talar um í viðtalinu hér á undan. Það má sjá þarna af svölunum alla fjalla
girðinguna vestan fra Ingólfsfjalli austur á Vatnajökul.
Eftir lokun á haustin þarf ýmislegt
aö lagfæra og endurnýja, og ég hef
unnið við að klæða innan félagsbú-
staði eða innrétta þá upp á nýtt.
Mér fannst fátt hér til dægradvalar
fyrir dvalargesti þegar ég kom hér
fyrst. Smíðaði þá minigolfið strax
fyrsta veturinn heima á verkstæðinu
mínu. Tók myndir úti á Kanaríeyjum
um veturinn af svipaðri aðstöðu.
Minigolfið hefur reynst mikill á-
nægjuauki ungum sem öldnum og
síðastliðið sumar spiluðu yfir 1500
manns í minigolfinu.
Konan annast Þjónustumiðstöð-
ina, sér um að halda henni hreinni,
selur aðgang að böðunum og nú
sundlauginni og sánaklefa, minigolf-
inu og leigir golfkylfur til að nota á
alvöru golfvellinum sem við höfum
hér. Þá er hún iðulega hálfgerð barn-
fóstra. Það er mikið um það að fólk
sendi börnin upp eftir í Félagsmið-
stöðina til að leika sér í leiktækja-
salnum og til að horfa á sjónvarpið,
þar sem við bjóðum uppá ýmislegt
myndbandaefni, eða spila borðtenn-
is. Pá getur og símavarzlan verið eril-
söm.
Það er nokkuð mikið starf að sjá
um alla bústaðina og auk þess annast
sundlaugina. Maður þarf að slá blett-
ina í kringum þessa 25 bústaði sem
félögin eiga, gæta þess að hreinlætis-
vörur séu ávallt fyrir hendi í bústöð-
unum og líta eftir hvernig fólk skilur
við, svo að allt sé í lagi þegar næstu
gestir koma.
Yfirleitt er viðskilnaður fólks góð-
ur, þó það séu náttúrlega alltaf ein-
hverjar undantekningar. Það má
segja að eftir því sem bústaðirnir
hafa batnað, orðið vistlegri og snyrti-
legri, eftir því hefur umgengnin orð-
ið betri. Það er sannarlega ánægjuefni,
og ekki er síður ánægjulegt að sjá sama
fólkið koma ár eftir ár, því það eru
auðvitað beztu meðmælin, ef fólk vill
koma aftur. Aðsóknin hefur stórauk-
ist síðustu árin, eftir því sem aðstæður
hafa batnað. En það er margt smálegt
sem maður þarf einlægt að vera að
hyggja að í viðhaldinu.
Bústaðirnir eru opnaðir til útleigu
í kringum 20. maí, og eru í leigu fram
í miðjan september. í júní, júlí og
ágúst er hér allt fullt.
Golfvöllurinn nýtur mikilla vin-
sælda, hann er níu holur og hér hefur
margur fengið golfbakteríuna, þeir
hafa sagt mér það margir þegar þeir
koma árið eftir.
Sundlaugin var einnig mikil lyfti-
stöng, mikil ánægja ríkir með hana
og heitu pottana meðal gesta, og
þegar auðséð að þörf verður á að
stækka laugina og fjölga pottum.
Þá er og aðkallandi að bæta að-
stöðuna í búningsklefunum.
Þar hafa stundum verið mikil
þrengsli þegar ásóknin hefur verið
hvað mest í sundið, en fólk hefur
tekið því með jafnaðargeði og aldrei
kvartað.
A öllu svæðinu í Hraunborgum
eru nú orðið jafnan mörg hundruð á
sumrin í félagsbústöðunum og einka-
bústöðum, sem eru á annað hundr-
að.
Þá er rekin hér lítil verzlun með
helztu nauðsynjum, gosi og sælgæti,
útibú frá Minni-Borg, og það verið
gestum til þæginda.
Farið er að planta hríslum í kring-
um Sjómannafélagsbústaðina, og
þær hafa tekið vel við sér, og er ætl-
unin að gróðursetja reglubundið á
hverju ári. Það er slæm gróðurmold-
in hér, en menn og tré skjóta hér þó
rótum og sjálfur hef ég valið mér
hérna bústað í hverfi einkabústa-
ðanna.
Ég held að það sé óvíða jafn góð
aðstaða á sumardvalarstöðum hér
innanlands eins og hér. Það er mikil
friðsældin. Stutt er í skoðunarferðir
til allra átta. Ég heyri það sérstaklega
á fólki sem kemur hingað utan af
landi, að því finnst þetta með ein-
dæmum góður staður að dvelja á til
að fara í stuttar skoðunarferðir um
Suðurland.
En því er ekki að neita að þetta er
erilsamt starf, maður er uppi klukk-
an átta á morgnana, og síðustu gest-
irnir fara héðan úr félagsmiðstöðinni
klukkan 10.30 og þá á maður eftir að
ganga frá sundlauginni og ýmsu. Þá
getur verið þreytandi að eiga aldrei
vísan frídag, fyrir okkur hjónin eru
allir dagar jafnir.
En ef við höldum heilsu og Sjó-
mannadagsráð vill hafa okkur, þá er
ekki að vita nema við verðum hér
nokkur ár enn.
Það mundi breyta miklu ef hægt
væri að leysa okkur af svona viku-
tíma um mitt sumarið, svo maður
kæmist upp til fjalla eða í silung-
sveiði. Við hjónin höfum átt ágætt
samstarf við forystumenn Sjómanna-
dagsráðs og kunnum þeim miklar
þakkir fyrir þann skilning sem þau
hafa sýnt starfi okkar. Það er okkur
mikils virði að finna ávallt vilja þeirra
til að gera allt sem bezt úr garði hér á
orlofssvæði sjómanna.