Eimreiðin - 01.07.1959, Page 54

196
EIMREIÐIN
„Ojæja,“ segir hún og hellir aftur kaffi í bollann sinn.
„Þetta er annars allra bezta kaffi.“
Hún drekkur niður í hálfan bollann og tekur síðan aftur
pípuna upp úr vasa sínum, treður tóbakinu hægt og gætilega
í hana, kveikir í henni og leggur brunnu eldspýtuna á und-
irskálina. Hún ætlar að drekka molakaffi með pípunni.
„Það er nú annars mesta furða, hvað hann hjarir,“ segiv
hún í áframhaldi hugleiðinga sinna og blæs stórum reykjar-
mekki út í baðstofuna. Svo verður þögn, en í þögninni er eins
og ósögð orð svífi í loftinu og geri það þungt, svo að manni
verður erfitt um andardráttinn.
Telpan heldur áfram að vefa með nálinni sinni undir þráð,
yfir þráð, undir þráð, áfram og áfram í sífellu og þorir ekki
að líta upp. Hún heyrir, að aðkomukonan lýkur úr bollanum
og heldur síðan áfram að reykja. Snörlið í pípunni og blást-
urshljóð, um leið og hún andar frá sér reyknum, eru einu
liljóðin, sem heyrast, fyrir utan tik-tak-ið í klukknnni. En
jDessu heldur ekki lengi áfram, því að bráðlega er hún búin úr
pípunni. Þá slær hún aftur öskuna úr henni og stingur henni
svo í vasann.
„Og þú ert búin að fá nýja vinnukonu sé ég er,“ segir hún.
„Þorgerður yngri hefur ekki tollað lengur en til krossmess-
unnar. Ja, ekki skal ég lá henni það. Það er þó heldur skárra
hjá Kristínu systur en hérna, hvað sem öðru líður.“
Ekkert svar.
Aldrei á ævi sinni hefur telpan vitað aðra eins gestkonm
og aðrar eins viðtökur. Það liggur við, að hún verði fegin,
þegar konan stendur upp og býst til ferðar. Hún biður að
heilsa Jónatan og kastar kveðju á alla sameiginlega. Svo fer
hún út, eins og hún kom, ein og fylgdarlaus.
Þegar hún er komin út á hlaðið og sést fara niður traðirn-
ar, stendur Þorgerður upp. Tekur bollabakkann af borðinu
og fer með hann fram í eldliús. Hún kemur óðara inn aftur,
og telpunni til mikillar undrunar tekur hún ábreiðuna af
rúminu, þar sent gesturinn sat, og liristir hana út. um stafn-
gluggann. Síðan sækir hún kúst og sópar burt öskunni al
gólfinu og deigan klút og þurrkar af borðshorninu, þar sem