Eimreiðin - 01.05.1970, Side 15

Eftirfarandi Ijó5
sendi Friðjón Stefánsson
Eimreiðinni í sumar, skömmu áður
en hann andaðist.

Eftir
Friðjón Stefánsson
PERLAN
í leit að týndri minningu þú lífi þínu verð,
þú leitar aldrei að henni á hinum rétta stað.
Eitthvað kanntu’ að finna á allri þinni ferð,
en örugglega munt þú hirða lítt um það.
Minningin er perla, sem máist aldrei út
en móða fellur á hana í þínum hjartastað.
Hún geymist þarna perlan í gleði þinni og sút
en grátlegt, að þú skulir aldrei fá að vita um það.
tilhlökkun
Ég minnist þeirra daga
rnunaðar og gleði
— að mega hlakka til.
Það lögmál sífellt gildir
að líða allir dagar
og loksins voru þeir búnir.
Eram undan í móðu
var hið fagra ævintýri
Nú þrái ég ekkert meira
en þeir væru til ennþá
aðeins fáir dagar.
þessir dagar, sem að liðu.