Eimreiðin - 01.05.1970, Qupperneq 78

142
EIMREIÐIN
Grettir er sjúkur og kominn
að bana, en Illugi situr jafnan
yfir honum.
Þorbjörn: Hvað er til marks um
krankleika Grettis? ekki mun
hann kvillasamur verið hafa
til þessa.
Glaumur: Hér megið þið sjá
hnyðju þá, er ég heim flutti
fyrir nokkru og vildi Grettir
höggva til eldiviðar. Hrökk
þá öxin á fót hans og skeindist
hann nokkuð. Hljóp brátt
verkur í og blés upp sárið og
varð af drep í fætinum.
Þorbjörn: (Hlær.) Satt er hið
fornkveðna að langvinir rjúf-
ast sízt, og svo hitt að illt er að
eiga þræl fyrir einka vin. Hef-
ir þú Glaumur skammarlega
svikið þína lánardrottna. Ferst
þér þar illa, þótt hann sé ekki
góður (Fylgdarmaður Þor-
bjarnar kastar lastyrðum að
Glaum. Ganga þeir svo að
skáladyrum og knýja á.)
Illugi: (Fyrir innan.) Knýr hrút-
urinn Hösmagi hurð, bróðir?
Grettir: ]á og heldur fast og ó-
þyrmilega. (Hurðin opnast og
Illugi ver dyrnar.)
Grettir: (Inni.) Hver vísaði ykk-
ur hingað Þorbjörn öngull í
þvílíku veðri?
Þorbjörn: Kristur vísaði okkur
leið til að hreinsa burt ill-
virkja þá, er hér hafast við.
Grettir: Ég get að heldur liafi
hingað vísað hin arma kerling
fóstra þín og hennar ráðum
muntu mest treysta.
Þorbjörn: Fyrir eitt skal nú ykk-
ur koma hverju vér treystum
bezt. Mun nú yfir ljúka með
oss. (Við menn sína. Förum
nú varlega og gæturn okkar
vel, því við megum vel sigra
þá, ef við höfum ráð fyrir oss.
Skulu sumir rjúfa bakhlið
skálans og fá þannig höggstað
á þeim. (Þeir gjöra svo.)
Grettir: (Inni.) Ber er hver að
baki, nema bróður eigi. (Illugi
hverfur úr dyrunum og hinir
á eftir. Vopnabrak heyrist.
Þorbjörn kemur út með Illuga
bundinn og þeir allir.)
Þorbjörn: Mikinn garp höfum
við nú að velli lagt og auk þess
hef ég hér eignazt hið bezta
vopn. (Bregður saxinu
fræga.)
Kárr húskarl: (Hví spilltir þú
svo góðum grip með því að
brjóta skarð í egg þess í hinum
harða haus Grettis?
Þorbjörn: Það ætla ég, að með-
an ég ber vopn þetta, muni
margir spyrja um spjöll þessi
og gefst þá tilefni til frásagna
um þau tíðindi, er hér hafa
gerzt.
Kárr húskarl: Ekki mun þeim
Hjalta bróður þínum né Hall-
dóri mági þínum þykja hér
prúðmannlega að unnið. En
öllu hefur þú ráðið í ferð
þessari.