Hlín - 01.01.1959, Blaðsíða 38
36
Hlin
sú ráðgáta auðleyst, sem í því liggur, að menn gerist eigi
einhamir, og geti haft mörg jám í eldi, t. d. samtímis
verið læknir, alþingismaður og bóndi.
Jeg ætla að leyfa mjer að segja, að frú Oddný Guð-
mundsdóttir hafi leyst af hendi með prýði þetta mikil-
hæfa samstarf, og get sem nágranni læknishjónanna allan
þann tíma, sem þau voru á Hvoli, fullyrt það.
A Stórólfshvoli var sjúkraskýli og mannmargt heimili.
Sjúkrahússtörfin hvíldu mjög á herðum frúarinnar, enda
var hún lærð hjúkrunarkona.
Á Stórólfshvoli var rekinn stór búskapur um skeið, og
þurfti margt fó'lk, áður en vjelarnar komu til sögunnar. —
Læknishjónin voru hjúasæl, og kom það sjer vel fyrir
húsbændur, sem voru önnum kafnir við önnur störf.
Á Stórólfshvoli var kirkjustaður, og rómuðu Odda-
prestar staðarhaldarana fyrir ágætar móttökur.
Á læknisheimilinu var sífeldur erill og símahringingar
ailan sólarhringinn, einn gesturinn kom þá annar fór, og
var gestrisni frúarinnar og læknisins öllum kunn, og þá
ekki síður greiðvikni þeirra við alla. — Þaðan fór enginn
ltónleiður til búðar.
í fjarveru manns síns þurfti frú Oddný oft að sinna
viðtölum við menn út af sjúkdómum og sjúklingum, og
þegar svörin voru þessi: „Læknirinn er ekki heima,“ varð
andsvarið: „Já, en jeg vil þá fá að tala við hana frú Odd-
nýju!“ — Og jeg veit ekki betur en ráð frúarinnar hafi
reynst vel í alla staði. — Hún ofmetnaðist ekki af reynslu
sinni. Sagði ekki meira en hún vissi, og það gerði gæfu-
muninn. — Þessi þátturinn í starfi frú Oddnýjar mun
lengi lifa í endurminningu fólksins, sem bygði og byggir
hið gamla l^angárh jerað.
En svo er það annar þáttur, sem frú Oddný var um eitt
skeið mjög viðriðin. — Það voru fjelagsmál kvenfjelag-
anna, bæði á þrengra og víðtækara sviði. — Mun hún þar
sem annarstaðar hafa reynst áhugasöm og mikilhæf.
Þjóðskáldið okkar góða, sem var í blóma lífsins, þegar