Hlín - 01.01.1959, Blaðsíða 48
46
Hlín
helstu framfaraheimilum víða að af landinu. — Bergljót
var tvo vetur á Laugalandsskóla. Stundaði hún nám sitt
af kappi og lagði þar góðan grundvöll að sjálfsmentun
þeirri, sem hún stundaði æ síðan, oft við hin örðugstu
skilyrði.
Bergljót Guttormsdóttir, föðursystir Bergljótar Sigurð-
ardóttur, var seinni kona Jóns bónda Jóakimssonar að
IJverá í Laxárdal, föður Benedikts frá Auðnum. — Elsta
systir Bergljótar Sigurðardóttur, Halldóra, hafði flutst
norður að Þverá til frænku sinnar, og var nú gift Jóni,
yngsta syni Jóns Jóakimssonar, og bjuggu þau nú á Þverá.
— Um jólin fyrri skólaveturinn sinn fór Bergljót að
Þverá og dvaldi þar hjá systur sinni í fríinu.
Kyntist hún þar fyrirmyndarheimili norðlensku, sem
stóð á föstum, þjóðlegum grundvelli.
Vorið 1895 rjeðst hún svo, fyrir milligöngu skólasystur
sinnar, I.aufeyjar Jóhannsdóttur frá Skarði í Dalsmynni,
kaupakona að Skarði til hjónanna Jóhanns Bessasonar og
Sigurlaugar Einarsdóttur, sem þar höfðu búið rausnarbúi
síðan vorið 1869. — Var bú Jóhanns hið stærsta í hreppn-
um um þessar mundir.
Þetta sumar trúlofaðist Bergljót Skapta, elsta syni
hjónanna að Skarði. — Veturinn eftir var hún svo í
Laugalandsskóla, en fór síðan heim að Geitagerði og sat
þar í festum fram á sumar 1897. — Á þessu tímabili mun
það hafa verið, sem hún lærði karlmannafatasaum hjá
Eyjólfi Jónssyni, klæðskerameistara, og síðar bankastjóra
á Seyðisfirði.
Sumarið 1897 kom Skapti austur að Geitagerði og gift-
ust þau Bergljót þá þar fyrir austan og fóru síðan landveg
norður, settust að á Skarði í sambúð við foreldra Skapta.
Jóhann Bessason hafði um nokkurra ára skeið, haft
jörðina Iátlagerði til umráða með Skarði. Er það næsta
jörð við Skarð, vestar í Dalsmynninu. Var þar ágæt sil-
ungsveiði í Fnjóská og hafði Jóhann gert þar veiðivjelar
í ána og var mikil búbót að veiðinni fyrir Skarðsbónd-