Hlín - 01.01.1959, Side 101

Hlín
99
og hafði systurdóttir mín, Sigrún Jónsdóttir, ofið hann heima á
Víðivöllum um veturinn. — Fyrir gafli var svo slegið upp bekk
til að sitja á, og hann tjaldaður með heimaofnum dúki. —
Framan við hann var svo borð, sem alt að 20 manns gátu setið
við. — Þar voru svo breiddir margir dúkar, stórir og smáir,
aljir saumaðir, heklaðir og prjónaðir heima í hjeraðinu, stóðu
þar á blómaglös — en með þau og blómin kom jeg að heiman.
— Blómin voru úr garðinum mínum á Víðivöllum, við fluttum
þau í blautum mosa í blikkkössum undir bílbekkjunum. Þau
komu með fólki mínu frá Víðivöllum kvöldið fyrir setningu há-
tíðarinnar. — Jeg hafði t. d. sett í beð í garðinum haustið áður
800 tulipanlauka, að nokkru leyti í þessum tilgangi. — Á borð-
unum voru einnig fánar á stöngum, sem Guðmundur Ólafsson í
Litluhlíð hafði útbúið fyrir mig. Var fóturinn sagaður í tvennu
lagi úr vindlakössum, og leit út eins og 4 hálfir hestar, settir
saman í kross, og stöngin úr surtarbrandi framan úr Vestur-
dal klemd þar niður á milli. — Gaf Guðmundur mjer 5 þessar
stengur, og jeg síðan að hátíðahöldunum loknum nokkrum
Vestur-íslendingum til minja um ferðina. Þó á jeg eina eftir,
sem lítillega hafði skemst. — Nokkrir skornir munir með
myndum í, og aðrir heimagerðir smáhlutir, voru einnig á borð-
unum, og þó nægilegt rúm utan með fyrir bollapör og brauð-
diska til kaffidrykkju. — Framan við borðið var svo vitanlega
tjaldaður bekkur til ásetu.
Innan frá, nokkuð fram eftir tjaldinu, voru settir upp bekkir
til beggja hliða og hverjum þeirra skift í þrent með lóðrjettri
fjöl frá bekknum og allhátt upp, og framan á hana negld önnur
lóðrjett fjöl, er snjeri flatkantinum fram. — Efsti hluti hennar
var sagaður úr krossvið og málaður grænn og rauður, og
var það hvortveggja gert eftir útsögun milli kórs og framkirkju
í gömlu Víðimýrarkirkju, en hún er bygð eftir kirkju þeirri á
Miklabæ í Blönduhlíð, sem síra Þorvaldur, afi Bertels Thor-
valdsens, ljet reisa þar, og gæti útsögun hennar, sem er stíl-
hrein og fögur, verið gerð af syni hans, en föður Bertels.
Allar þessar lóðrjettu fjalir voru að ofan tengdar saman með
slá, klæddum við hana rauðu veggfóðri, svo og fjalirnar neðan
við útsögunina, þar sem ekki var tími til að mála þær. — Litu
bekkimir út eins og 3 lokrekkjur hvoru megin í tjaldinu. —
— Jeg nældi svo heimaofnar ábreiður í tjaldveggina, nokkru
ofar en bekkirnir voru, festi þær síðan niður í sætin og Ijet
brún lafa niður af þeim. — Frá slánum að ofan fjellu svo
rekkjutjöldin — heimaunnin — niður með útsöguðu fjölunum,
framan við sætin. — Höfðum við heima á Víðivöllum haft uppi
7*