Hlín - 01.01.1959, Blaðsíða 75
Hlín
73
þess. Kirkjurækni getur aldrei komið í staðinn fyrir
heimilisguðrækni, og heimilisguðrækni getur aldrei kom-
ið í staðinn fyrir krkjurækni, nje útrýmt henni. Hins-
vegar hefur reynslan sýnt, að þar sem rækt er lögð við
heimilisguðrækni, þar er aðsókn að hinum opinberu
guðsþjónustum kirkjunnar talinn eðlilegur og sjálfsagð-
ur hlutur.
Hvað gerir kirkjan heima hjá þjer í sambandi við
kristileg fræðslumál? Er unga fólkinu heirna hjá þjer
kend undirstöðuatriði kristinnar trúar, eða er sú fræðsla
falin kirkjunni og sunnudagaskólunum, þá stuttu stund
sem til þess er ætluð á sunnudögum? Ef hið síðara er til-
fellið, þá liefur kirkjan lieima hjá þjer brugðist skyldu
sinni. — Oft ber það við að foreldrar rísa til mótmæla í
þessu efni og segja: Hvað í ósköpunum kemur þetta mál
um kristilega uppfræðslu mjer við? Svarið er miklu alvar-
legra en þig grunar. — Allir foreldrar eru stöðugt að
kenna trúarbrögð, hvort sem þeim er það ljóst eða ekki,
og þá einkum með afstöðu sinni og hugarfari til þeirra
mála.
Það er næsta sorglegt að heyra foreldra mæla á þá leið,
að börnin ákveði sjálf afstöðu sína til trúarbragðanna,
þegar þau liafi aldur til. — Þau skuli þá velja eða hafna,
eftir því sem þeim sýnist, því að ekki sje rjett að þröngva
þeim til að játast einhverri trúarstefnu, sem þau svo
kannske felli sig ekki við, er þau þroskast betur. — Slíkar
röksemdir rista fremur grunt. — Þú lætur ekki barnið
þitt ráða því sjálft, hvort það fer í skóla eða ekki, er það
kemst á skólaaldur. — Ef barnið þitt veikist, læturðu það
ekki ráða því sjálft, hvort læknir skuli sóttur, eða hvort
það eigi að taka inn meðalið, sem læknirinn fyrirskipaði.
— Þú lætur ekki barnið þitt ráða því sjálft, hvort það
klæðist eins og heilvita manneskja, eða hvort það neytir
matar eins og heilbrigt fólk. — Þjer stendur ekki á sama,
hvort barnið þitt vex upp til að verða nýtur borgari eða
æstur kommúnisti. — Alt þetta eru aðeins afsakanir, og